संसद सचिवालयलाई बजेट अधिवेशन अन्त्य गरिएको राष्ट्रपतिको पत्र

१८ असार, काठमाडौं । मन्त्रिपरिषदको निर्णयअनुसार बजेट अधिवेशन अन्त्य गर्न राष्ट्रपति कार्यालयले संसद सचिवालयलाई पत्र पठाएको छ । मन्त्रिपरिषदले गरेको सिफारिस स्वीकृत गर्दै राष्ट्रपति विद्यादेवी भण्डारीले संसद सचिवालयका महासचिव भरत गौतमलाई बजेट अधिवेशन अन्त्य गर्न पत्र पठाएकी हुन ।

“नेपालको संविधानको धारा ९३ को उपधारा ९२० बमोजिम नेपाल सरकार, मन्त्रिपरिषद्को मिति २०७७–३–१८ को सिफारिसमा संघीय संसदको दुवै सदनको चालु अधिवेशन संवत् २०७७ साल असार १८ गते विहीबारका दिन अपरान्ह ५ बजेदेखि अन्त्य गरेको छु ।” राष्ट्रपतिद्धारा संसद सचिवालयलाई लेखिएको पत्रमा भनिएको छ ।

नेकपाभित्र प्रधानमन्त्री ओलीलाई प्रधानमन्त्री र पार्टी अध्यक्ष दुबै पदबाट हटाउने तयारी तिब्र बनेपछि ओलीले संसद भंग गरेर थप कदम चाल्ने तयारी गरेका छन ।