शीतल निवासमा प्रचण्ड, मध्यस्तता गर्दै राष्ट्रपति !

१८ असार, काठमाडौं । प्रधानमन्त्री केपी शर्मा ओली नेतृत्वको सरकार संकटमा परेपछि राष्ट्रपति विद्यादेवी भण्डारीको सक्रियता बढेको छ । ओलीको संकट टार्न राष्ट्रपति भणडारीको मध्यस्ततामा प्रचण्ड शीतलनिवास पुगेका छन ।

ओलीसँग टकराबकै अवस्थामा रहेका प्रचण्डलाई बालुवाटारबाट भण्डारीले शीतलनिवास बोलाएकी हुन । त्यहाँ बसेर उनले सम्भावित विकल्पबारे छलफल गर्नेछिन । प्रचण्ड र माधव नेपालले ओलीलाई हटाउने निष्कर्ष सबैतिर सुनाइसकेका बेला भण्डारीले ओलीको सत्ता जोगाउने प्रयास थालेकी हुन ।

शीतलनिवास जानुअघि प्रचण्डले बालुवाटारमा ओलीसँग छलफल गरेका थिए । खासगरी अबका सम्भावित कदम र सत्ताका लागि बार्गेनिङ गर्ने विषयमा प्रचण्डले केही अडान राख्न सक्ने गरी अनुमान गरिएको छ ।