कांग्रेस नेताहरु भन्छन्, “गिरिजा प्रसाद कोइरालाको योगदान अविस्मरणीय छ”

◊ धीरुभाइ

१८ असार सप्तरी । नेपाली राजनीतिका शिखर पुरुष गिरिजा प्रसाद कोइरालाको ९७ औ जन्मजयन्तीको अवसरमा नेपाली कांग्रेस सप्तरी क्षेत्र नम्बर १ ले आज विचार गोष्ठीको आयोजान गरेको छ । विचार गोष्ठीलाई सम्बोधन गर्दै पूर्व गृह राज्यमन्त्री रामकुमार चौधरीले गिरिजा प्रसाद कोइरालाको योगदान अविस्मरणीय रहको बताए ।

कोइरालाले देखाएको सहमति सहकार्य र एकताको खाँचो अहिले पनि उतिकै आवश्यक रहेको उनले बताए । चौधरीले उनको योगदान बारे राष्ट्रिय तथा अन्तराष्ट्रिय स्तरमा समेत चर्चा भइरहेको बताए । पूर्व प्रधानमन्त्री एवम् नेपाली राजनीतिका शिखर पुरूष, शान्ति प्रक्रियाका महानायक, नेपाली कांग्रेसका पुर्व सभापति गिरिजाप्रसाद कोइरालाको राजनीतिक योगदान अमर रहेको बताए ।

कार्यक्रममा युवा नेता सलिम अन्सारीले कोइरालाको राजनीतिक चेतना अहिले पनि उतिकै सान्दर्भिक रहेको बताए । सो कार्यक्रमा कांग्रेसका जिल्ला नेताहरु रामदेब साह, रामु यादव, विकेश्वर यादव, महासमिति सदस्य हेमनारायण चौधरी, दलित संघ सप्तरीका अध्यक्ष भुबनेश्वर साफी, युवा नेता मिथलेश साह, राजविराज नगर सभापनि शभ्भुलाल देव लगायतले मनतव्य व्यक्त गरेका थिए ।

क्षेत्र नम्बर १ क्षेत्रीय सभापति बद्री महत्मान यादवको अध्यक्षतामा आयोजित कार्यक्रमको सञ्चालन नेविसंघका पूर्व सहमहामन्त्री इर्साद अन्सारीले गरेका थिए ।