स्थानीय तहको सहमतिपछि मात्रै आवागमन अनुमति
![नेपालबहस संवाददाता](
https://nepalbahas.prixacdn.net/media/albums/NB_E0Qh2H6kyW.jpeg
)
नेपालबहस संवाददाता
असार १९, २०७७ शुक्रबार १५:५५:४४
![](https://nepalbahas.prixacdn.net/media/albums/banepa-parichan_A5ajBjXAPM.jpg)
१९ असार, काभ्रेपलाञ्चोक । काेरोना भाइरस सङ्क्रमणको जोखिम बढ्दै गएपछि बढी जनघनत्व भएका शहरबाट काभ्रेपलाञ्चोकमा आवागमन गर्नेलाई स्थानीय क्वारेन्टाइन वा होम क्वारेन्टिनमा बस्ने सुनिश्चिततापश्चात मात्रै अनुमति दिइने भएको छ । यसका लागि स्थानीय तहले आफ्ना नागरिक कुन क्वारेन्टिनमा बस्ने भन्ने ग्यारेन्टी गरेपछि मात्रै कोभिड–१९ रोकथाम तथा नियन्त्रण जिल्ला कमाण्ड पोष्टले सहजीकरणको व्यवस्था मिलाउने जनाएको छ ।
पोष्टले कोभिड–१९ सङ्क्रमणको उच्च जोखिमका कारण बढी जनघनत्व भएका काठमाडौं, पोखरा, विराटनगर, नेपालगञ्ज, बुटवल, भैरहवा, वीरगञ्ज, धनगढी, जनकपुर आदि शहर तथा जिल्ला सदरमुकामबाट आउनेजानेका स्थानीय तहद्वारा सुनिश्चितता गर्नुपर्ने जनाएको हो । आवागमन गर्ने नागरिक कुन क्वारेन्टाइनमा बस्ने भन्ने विषयमा सम्बन्धित पालिकाद्वारा सुनिश्चितता भएपछि मात्रै अनुमति दिइने सङ्कट व्यवस्थापन केन्द्र काभ्रेपलाञ्चोकका संयोजक एवं प्रमुख जिल्ला अधिकारी श्रवणकुमार तिमल्सिनाले बताए । “होम क्वारेन्टाइनमा बस्न चाहनेले भने स्थानीय प्रहरी, सम्बन्धित वडा कार्यालयको सिफारिसका आधारमा अनुमति दिइनेछ”, उनले भने ।
तिमल्सिनाका अनुसार हाल जिल्लामा स्थलमार्ग अथवा हवाईमार्गबाट आउने व्यक्तिले आफ्नो घरमा क्वारेन्टाइनको सरहको सुविधा भएको ब्यहोरोसहित होम क्वारेन्टाइनमा बस्न अनुरोध गर्नुपर्छ र स्वास्थ्य तथा जनसङ्ख्या मन्त्रालयले तोके बमोजिमको होम क्वारेन्टिनसम्बन्धी पालना गर्नेगरी होम क्वारेन्टिन बस्ने अनुमति दिइने निर्णय गरिएको छ ।
साथै, कतिपय जिल्लामा क्वारेन्टिन तथा आइसोलेसन सेन्टरमा न्यूनतम मापदण्डसमेत सुविधा नभएकाले सो स्थानमा बस्ने व्यक्ति भाग्ने, बस्न नचाहने तथा विरामी परेका सूचना प्राप्त भएकाले यस जिल्लामा स्थापना भएका क्वारेन्टाइन तथा आइसोलेसन वार्ड समय समयमा अनुगमन गरी सोको प्रतिवेदन गृह मन्त्रालय, राष्ट्रिय आपत्कालीन कार्य सञ्चालन केन्द्रमा पठाउनेसमेत निर्णय भएको छ । विदेशबाट आएकामध्ये आफैँ खर्च व्यहोर्न सक्नेलाई धुलिखेलस्थित सुविधा सम्पन्न होटल क्वारेन्टाइनमा राख्ने तयारीसमेत गरिएको छ ।
हाल तेस्रो मुलुकबाट आएका ११४ नागरिकस्थानीय तहका क्वारेन्टाइनका बसेको पोष्टले जनाएको छ । काभ्रेपलाञ्चोकको १३ स्थानीय तहमा हालसम्म ८४२ बेडको क्वारेन्टिन तथा भने धुलिखेल नगरपालिकामा १५, बनेपा नपामा पाँच र पाँचखाल नपामा पाँच बेडको आसोलेसन कक्ष व्यवस्थित गरिएको छ । स्थानीय तहमा रहेका क्वारेन्टाइनको क्षमता विस्तार गर्दै स्वास्थ्य सुरक्षा थप व्यवस्थित गर्ने कार्य भइरहेको छ । १३ स्थानीय तहका क्वारेन्टाइलाई १०० बेड क्षमताको बनाउने तयारीसँगै हाल रोशी गाउँपालिकाले ११०, तेमाल गाउँपालिकाले १०५, मण्डनदेउपुर नगरले १०० र धुलिखेल नगरले १०० बेडको क्वारेन्टाइन व्यवस्थित गरिसकेको पोष्टका सदस्यसचिव एवं स्वास्थ्य कार्यालयप्रमुख डा नरेन्द्र झाले बताए ।
यसैबीच, विभिन्न जिल्लाका क्वारेन्टाइनको यौनजन्य हिंसात्मक घटना बाहिरिएपछि केन्द्र र पोष्टले संयुक्तरुपमा क्वारेन्टिनलाई हिंसामुक्त बनाउने तयारीमा जुटेका छन् । केन्द्र र पोष्ट जिल्लामा रहेका क्वारेन्टाइन थप व्यवस्थित गर्दै महिला, गर्भवती, सुत्केरीमाथि लैङ्गिक तथा घरेलु हिंसा हुन् नदिन आवश्यक तयारीमा जुटेको हो । जिल्लामा रहेका क्वारेन्टिनलाई हिंसामुक्त बनाउन आवश्यक सेवा सुविधाको व्यवस्थापनमा लागिएको तिमल्सिनाले बताए । उनले भने, “विशेषत महिलामाथि हुने हिंसा हुन नदिन सोहीअनुसार क्वारेन्टाइनमा बसाई तथा सेवा दिने व्यवस्थापनमा जुटेका हौँ ।”
तिमल्सिनाका अनुसार सबै क्वारेन्टाइनमा व्यक्तिगत सुरक्षाकासाथै स्वास्थ्य सुरक्षालाई मजबुत बनाउन निर्देशन दिइएको छ । क्वारेन्टाइन सुरक्षाको अनुगमन भइरहेको र कडा सुरक्षा रणनीतिबारे योजना बनाइएको कन्द्रले जनाएको छ । हालसम्म काभ्रेपलाञ्चोकका नौ सङ्क्रमितमध्ये छ उपचारपछि घर फर्किएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआधारभूत र विशेषज्ञ स्वास्थ्य सेवा बीमामार्फत गर्ने सरकारको रणनीति
असार २०, २०८१ बिहिबार
नेपालमै पहिलो पटक रोबोटबाट ३ बिरामीको सर्जरी, बिएण्डबीले राख्यो रेकर्ड !
असार १६, २०८१ आइतबार
सिरहाको वर्धमान अस्पतालमा पाठेघर खस्ने रोगको निःशुल्क शल्यक्रिया
असार १०, २०८१ सोमबार
रास्वपाले लुकाउन नसकेका पाँच झूट
विनोद त्रिपाठी
असार १९, २०८१ बुधबार
एकीकृत समाजवादीले घोषणा गरेका ९३ जना केन्द्रीय सदस्यभित्र अटाएनन् प्रेम आले
नेपालबहस संवाददाता
असार २१, २०८१ शुक्रबार
भान्छा कोठामा पसेको बिषालु गोमन सर्प
नेपालबहस संवाददाता
असार २१, २०८१ शुक्रबार
एकीकृत समाजवादीले घोषणा गरेका ९३ जना केन्द्रीय सदस्यभित्र अटाएनन् प्रेम आले
असार २१, २०८१ शुक्रबार
भान्छा कोठामा पसेको बिषालु गोमन सर्प
असार २१, २०८१ शुक्रबार
युरोकपको क्वाटरफाइनलमा आज राती पोर्चुगल र फ्रान्स भिड्दै
असार २१, २०८१ शुक्रबार
अब बन्ने सरकारलाई असफल हुने छुट छैन : अध्यक्ष ओली
असार २१, २०८१ शुक्रबार
बेलायती निर्वाचन : सुनकमा राजनीतिक स्पर्शको अभाव
असार २१, २०८१ शुक्रबार
दार्चुलामा बिहिबारदेखि निरन्तर वर्षा, बाढीपहिरोबाट १६ परिवार बिस्थापित
असार २१, २०८१ शुक्रबार
काठमाडौं प्रहरीको आधुनिक नयाँ भवन बन्यो, अब भद्रकालीबाट सेवा प्रदान गर्ने
असार २१, २०८१ शुक्रबार
राष्ट्रिय राजनीतिमा एकीकृत समाजवादीको भूमिका महत्वपूर्ण रहन्छ : अध्यक्ष नेपाल
असार २१, २०८१ शुक्रबार
सहज वातावरण नबनेको भन्दै पत्रकार महासंघको निर्वाचन पुनः स्थगित
असार २१, २०८१ शुक्रबार