ओली-प्रचण्ड वार्ता सकियो, ठोस सहमति भएन !

१९ असार, काठमाडौं । फुटको संघारमा पुगेको नेपाल कम्युनिष्ट पार्टी नेकपा विवाद समाधानका लागि अध्यक्षद्धय प्रचण्ड र प्रधानमन्त्री केपी शर्मा ओलीबीचको वार्ता सकारात्मक भएको छ । बालुवाटारमा झण्डै तीन घण्टा लामो वार्ता सकारात्मक भएको नेताहरुले बताएका छन ।

तर वार्तामा ठोस सहमति भने बनेको छैन । प्रधानमन्त्री ओलीको राजीनामा नै मागेका नेकपा अध्यक्ष प्रचण्ड र बरिष्ठ नेता माधवकुमार नेपाल लगायतका नेताहरुको मागका विषयमा कुनै ठोस सहमति नभएको नेताहरुले बताएका छन ।

वार्तामा नेकपाका दोस्रो तहका नेतामा महासचिव विष्णु पौडेल र स्थायी कमिटी सदस्य जनार्दन शर्मा पनि सहभागि थिए । उनीहरु पनि वार्तामा भएकाले दुई अध्यक्षबीच छलफल सकारात्मक रहेको भनाई छ ।

दुई नेताको आन्तरिक विवाद चर्केपछि नेकपा फुटको संघारमा पुगेको थियो । तर वार्तामार्फत समाधान खोज्ने प्रयास भइरहेको छ । नेकपाका प्रचण्ड लगायतका बहुमत नेताहरुले प्रधानमन्त्री ओलीको राजीनामा माग गरेपछि विवाद चर्किएको हो ।