प्रिमियर इन्स्योरेन्सले कमायो २६ करोड ५८ लाख मुनाफा, दुई सञ्चालक पुन निर्विरोध चयन

२० असार, काठमाडौं । प्रिमियर इन्स्योरेन्स कम्पनी (नेपाल) लि. को २६ औं वार्षिक साधारण सभा कम्पनीको केन्द्रिय कार्यालय प्रिमियर भवनको सभा कक्षमा सम्पन्न भएको छ ।

सभामा संचालक समितिका तर्फबाट कम्पनीका अध्यक्ष सूरेशलाल श्रेष्ठले कम्पनीको वार्षिक प्रतिवेदन तथा वित्तिय विवरण प्रस्तूत गरेका थिए । कम्पनीले आ.व.२०७५-७६ मा कूल बीमा शूल्क १ अर्व ६४ करोड ६७ लाख ८८ हजार आर्जन गरि खूद मूनाफा २६ करोड ५८ लाख ५ हजार मुनाफा आर्जन गरेको छ । कम्पनीको चुक्ता पुँजी १ अर्ब ७ करोड ४५ लाख ६० हजार रहेको छ ।

सभाले सर्वसाधारण शेयरधनीका तर्फबाट २ जना संचालक केदारनारायण मानन्धर तथा बलराम श्रेष्ठलाई पुनः निर्विरोध निर्वाचित गरेको नायव प्रमुख कार्यकारी अधिकृत सहदेव तिवारीले जानकारी दिएका छन् ।