क्वारेन्टाइनबाट घर गएकी एक महिलाको मृत्यु

२० असार, कैलाली । कैलालीमा क्वारेन्टाइनबाट घर गएकी एक महिलाको मृत्यु भएको छ । जिल्लाको गोदावरी नगरपालिका १० मा होम क्वारेन्टाइनमा बसेकी ४८ वर्षीया महिलाको मृत्यु भएको गोदावरी नगरपालिकाका मेयर हरिसिंह साउदले जानकारी दिए ।

भारतबाट जेठ २६ गते श्रीमान‍्‍सँगै फर्किएकी उनमा प्यारालाइसिस र रक्तचापको समस्या रहेको नगर प्रमुख साउदले बताए ।  उनको कोरोना परीक्षणका लागि स्वाब संकलन गरिएको छ र रिर्पोट आएपछिमात्रै शव व्यवस्थापन गर्ने बताइएको छ।