राष्ट्रपतिलाई महाअभियोग लगाउने प्रचार झुटो हो : श्रेष्ठ

२१ असार, काठमाडौं । राष्ट्रपति विद्यादेवी भण्डारीलाई महाअभियोग लगाउने प्रधानमन्त्री आरोपप्रति नेकपाका प्रवक्ताले आपत्ति जनाएका छन । नेकपाका प्रवक्ता नारायणकाजी श्रेष्ठले राष्ट्रपतिलाई महाअभियोग प्रस्ताव ल्याउने झुठो प्रचार गरिएको बताएका छन् । साथै उनले राष्ट्रपति भण्डारीलाई नेकपाको विवादमा नतान्न आग्रह पनि गरेका छन ।

प्रधानमन्त्री ओलीले शनिबार साँझ मन्त्रीहरुसँगको छलफलमा राष्ट्रपतिविरुद्ध महाअभियोग लगाउने षडयन्त्र भइरहेको गुनासो गरेका थिए । आफू र राष्ट्रपतिविरुद्ध षडयन्त्र भएकाले नै आफू दुबै पद नछाड्ने ओलीको अडान थियो ।

सामाजिक सञ्चाल ट्वीटरमा ट्वीट गर्दै श्रेष्ठले यस्तो आग्रह गरेका हुन । ‘राष्ट्रपतिको विरुद्ध महाअभियोग प्रस्ताव ल्याउने अनर्गल झुठा प्रचार कसैले नगरौं । राष्ट्रपति संस्थाको अवमुल्यन नगरौं ।’ उनले ट्वीटमा लेखेका छन ।