नेकपा फुटाएर कांग्रेसलाई सरकारमा लैजादै ओली, देउवालाई अर्थ र गृहको अफर !

२१ असार, काठमाडौं । झण्डै दुईतिहाई नजिकको आफ्नै पार्टी नेकपालाई फुटाएर प्रधानमन्त्री केपी शर्मा ओलीले नेपाली कांग्रेसलाई सरकारमा लैजाने गृहकार्य थालेका छन । प्रचण्ड, माधव नेपाल लगायतका नेताहरुलाई तह लगाउन पार्टी फुटाउनै पर्ने निष्कर्षसहित प्रधानमन्त्री ओलीले तत्काल कांग्रेसलाई सरकारमा लैजाने गृहकार्य थालेका हुन ।

यसका लागि कांग्रेस सभापति शेरबहादुर देउवा र प्रधानमन्त्री ओलीबीच गोप्य सहमति भइसकेको पनि बालुवाटार स्रोतले जनाएको छ । जसअनुसार अहिले ओली सरकारमा कांग्रेसलाई अर्थ र गृह मन्त्रालय दिइने भन्दै ओलीले देउवालाई ‘अफर’ गरेका छन ।

आलोपालो सरकार चलाउने सहमतिअनुसार देउवालाई तत्काल अर्थ मन्त्रालय र गृहमन्त्रालयको अफर गरिएको ओली निटक स्रोतले जनाएको छ । तर तत्काल सरकारमा जाने वा के गर्ने, नेकपा फुटाएर फेरि ओलीको असफलतालाई काँध थाप्ने वा के गर्ने भन्ने विषयमा कांग्रेसभित्र एकमत भइसकेको छैन ।

यसबारेमा कांग्रेस पदाधिकारीभित्र गम्भिर छलफल भइरहेको भनिएको छ । तर अहिलेसम्म देउवाले प्रधानमन्त्री ओलीको अफर स्वीकार गरिसकेका छैनन् ।