भारतमा खुल्यो कोरोना सङ्क्रमितका लागि विश्वकै ठूलो स्याहार गृह

२१ असार, काठमाडौं । भारतको राजधानी दिल्लीमा १० हजार शय्या रहेको कोरोनाभाइरस स्याहार गृहको उद्घाटन गरिएको छ। उक्त स्याहार गृहमा सामान्य लक्षण भएका तथा कोभिड १९ पोजेटिभ भए पनि कुनै लक्षण नदेखिएकाहरूको उपचार गरिने बताइएको छ।

२० वटा फुटबल मैदानजत्रो आकारको उक्त स्याहार गृहलाई स्थानीय सञ्चारमाध्यमहरूले विश्वकै सबैभन्दा ठूलो कोरोनाभाइरस केन्द्रका रूपमा व्याख्या गरिरहेका छन् । भारतमा आइतवार एकै दिनमा सर्वाधिक २४ हजार ८०० सङ्क्रमणका नयाँ घटना पुष्टि भएको छ। त्यहाँ हालसम्म १९ हजार भन्दा बढीले ज्यान गुमाएका छन्।

यस्तै भारतले कोरोनाभाइरसको खोप डेढ महिनामा उपलब्ध हुनेगरी खोपको मानवमा परीक्षण गर्ने भएको छ ।