माधव नेपाल र चिनियाँ राजदुत यान्छीबीच भेटवार्ता

२२ असार, काठमाडौं । सत्तारुढ नेकपाभित्रको आन्तरिक विवाद साम्य पार्न चीन औपचारिक रुपमै सक्रिय भएको छ । पछिल्लो दुईदिनयता नेपालको आन्तरिक राजनीतिमा फरक दृष्टिकोणबाट परामर्श थालेको चीनले नेकपाका शीर्ष नेताहरुसँग प्रत्यक्ष छलफल शुरुवात गरेको हाे ।

नेपालका लागि चिनियाँ राजदूत होउ यान्छीले नेकपाका नेता माधवकुमार नेपालसँग भेटवार्ता गरेकी छिन । आइतबार साँझ नेकपाका विदेश विभाग प्रमुख नेपाललाई भेट्न राजदूत होउ उनकै निवास कोटेश्वर पुगेकी थिइन् ।

भेटमा भएका कुराकानी खुलाइएको छैन । तर उनले आन्तरिक राजनीतिक र नेकपाभित्रको विवाद समाधानका लागि गर्नुपर्ने कामका लागि विशेष चाँसो दिएकी थिइन । गत वैशाखमा पनि नेकपाभित्र आन्तरिक कलह बढ्दा राजदूत होउले सक्रियता देखाएकी थिइन् । त्यसबेला उनले राष्ट्रपतिदेखि नेकपाका शीर्ष नेताहरुसम्मलाई छुट्टाछुट्टै भेटेकी थिइन् ।