शुल्क असुल्न नपाएको भन्दै निजी विद्यालयद्धारा अनलाईन शिक्षा बन्द

२२ असार, काठमाडौं । अभिभावकबाट मनलाग्दी शुल्क उठाउन नपाएको भन्दै निजी विद्यालयले अनलाईन शिक्षा बन्द गराएका छन । पछिल्लो समय उनीहरुले चैत, बैशाख, जेठ र असारको शुल्क माग्दै आएका थिए । तर सरकारले शुल्क उठाउन रोक लगाएको थियो ।

त्यसपछि निजी विद्यालयले अनलाईन शिक्षाको शुल्क उठाउन थालेका थिए । सरकारले त्यो शुल्क पनि नउठाउन भनेको थियो । भित्रभित्रै शुल्क उठाउने काम हुँदा पनि गुनासो बढेपछि सरकारले शुल्क नउठाउन भनेकै थियो ।

तर निजी विद्यालयले आफ्ना शिक्षकलाई तलब खुवाउन समस्या भएको, शुल्क उठाउन नदिएको र यो कोरोना महामारीको बीचमा अनुदान पनि नदिएको भन्दै सोमबारदेखि अनलाईन पठनपाठन पनि बन्द गराएका हुन । यसले अहिले घरमै भएपनि अनलाईन कक्षा लिइरहेका विद्यार्थीलाई असर परेको छ ।

सरकारले आफ्ना माग सम्बोधन नगरेसम्म अनलाईन शिक्षा सुचारु गर्न नसकिने प्याब्सनका अध्यक्ष टीकाराम पुरीले बताएका छन ।