ओली–प्रचण्ड एक अर्कालाई गलाउने रणनीतिमा

२२ असार, काठमाडौं । सत्ताधारी नेपाल कम्युनिष्ट पार्टीको घर झगडा उत्सर्गमा पुुग्न थालेपछि उत्तरी छिमेकीको सक्रियता पनि बेतोडले अगाडि बढेको छ । चिनियाँ राजदूत होउ यान्छी नेकपाका नेताहरुको घरघरमा पुुग्न थालेकी छन् ।

हिजो मात्रै यान्छी नेकपा नेता एवं विदेश विभाग प्रमुख माधवकुमार नेपालको कोटेश्वरस्थित निवास पुुगेर पछिल्लो गतिविधिबारे चासो राखिन् । नेकपाको संकटमोचनमा उनको सक्रिय भूमिका अर्थपूर्ण हुने धेरैको बुुझाई छ । त्यसैले नेकपाले जारी स्थायी कमिटी बैठक थप दुुई दिन पछि सारेको छ । साथै, दुुई अध्यक्ष अहिलेपनि संवादमा जुुटेका छन् ।

दुुवै पक्ष एक अर्कालाई गलाउने रणनीतिमा देखिएका छन् । त्यसका लागि केपी ओलीले प्रधानमन्त्री र पार्टी अध्यक्ष दुवै पद नछाड्ने बटमलाइन बनाएका छन् भने अर्का अध्यक्ष पुुष्पकमल दाहाल प्रचण्डले प्रधानमन्त्री पद त्याग्न अड्डी लिईरहेका छन् । एक अर्कालाई गलाउने रणनीति अन्तर्गत ओली पक्षले नेपाली कांग्रेसलाई समेत सत्ताको भागबण्डाको अफर गरेको प्रचार गराएको छ । उता, प्रचण्ड भने अहिले पार्टी भित्रैबाट सहमतिमा प्रधानमन्त्री बन्ने दाउमा रहेका छन् । जसले गर्दा अल्पमतमा भएपनि ओली आक्रमक अवस्थामा छन् । उनले संसद अधिवेशन अन्त्य गरेर अध्यादेशमार्फत दल विभाजनको धम्की दिन पाएका छन् । साथै, पार्टी विभाजन गरेर कांग्रेससँग गठबन्धन बनाउने सन्देश समेत प्रवाहित गर्न भ्याई सकेका छन् ।

नेपाली कांग्रेस पनि सत्ताको चास्नीमा फस्ने गलत प्रचार गर्नसमेत ओली पक्ष सफल भएको छ । जसले गर्दा अहिले चर्चामा रहेको पावर शेयरिङ प्रकरणमा नेपाली कांग्रेससमेत तानिएको छ । जहाँ सत्ता, त्यहाँ देउवा भन्ने थेगो नै भईसक्यो – कांग्रेसका एक पुराना नेताले भने । सत्ताको कुुरा आउने वित्तिकै कांग्रेसलाई त्यहाँ तान्ने बानी परिसकेको छ भन्दै उनले सभापति शेरबहादुर देउवाले देखाउने सत्तालिप्साकै कारण यस्तो भएको दावी गरे ।

नेपाली कांग्रेसलाई सत्ताको लोभमा फसाएर प्रधानमन्त्री केपी ओली आफ्नो स्वार्थ पूरा गर्न कस्सिएका छन् – उनले भने । यद्यपि कांग्रेस सभापति देउवालगायत नेताहरुले नेकपाले गरेको प्रचारको खण्डन गरेका छन् । तर देउवाको विगत नियाल्ने हो भने सत्ताका लागि जस्तोसुुकै सहमति र सम्झौता गर्न उनी नहिच्किचाउने नेतामा दरिएका छन् । जानकार स्रोतका अनुुसार, गएको पुुुस महिनामा नै ओली र देउवाबीच सत्ता साझेदारीको सहमति बनिसकेको छ । ओलीमाथि पार्टीका शीर्ष नेताले राजीनामा गर्न दबाब बढाएसँगै यस्तो समझदारी बनिसकेको हो– ओली निकट एक नेताले भने । यद्यपि उक्त समझदारीपत्रमा हस्ताक्षर भने गरिएको थिएन, तर लगभग अन्तिम तयारी भईसकेको हो – उनले भने ।

नेकपा भित्र फेरि रडाको मच्चिएपछि ओलीले देउवासँग पुरानो समझदारी ब्यूूँताउन गएको साता आग्रह गरेका छन् । आफ्नो सरकारी निवासमा बोलाएर ओलीले देउवासँग एक्लाएक्लै छलफल गरेका थिए । त्यतिबेला देउवाले ठोस जवाफ दिएका थिएनन् । त्यसैले अस्ती फेरि ओलीका दूतका रुपमा आएका सुुभाषचन्द्र नेम्बाङसँग देउवाले लामै छलफल गरे । यो सबै आफ्ना पार्टीका नेताहरुलाई तर्साउन नाटक मात्रै गरेका हुुन् ओलीले – नेकपाकै ओली विरोधी खेमाका एक नेताले भने ।

ओलीका हरेक चाल बुुझेका माधव नेपाल खेमाका नेताहरुले यो सबै गलाउने रणनीति मात्रै भएको बुुझेका छन् । त्यसैले अब ओलीसँग वार की पारको लडाईं गर्नुुपर्ने अवस्था आइसकेको छ – उनले भने लामो समय समस्या बल्झाएर राख्नुु भन्दा छिनोफानो गरेकै राम्रो । माधव नेपालले ओलीसँग प्रधानमन्त्री त्याग्ने भन्दा तल कुुनै पनि बुुँदामा सहमति हुुन नसक्ने अडान कायमै राखेका छन् । ओलीसँग वार्तामा रहेका प्रचण्डलाई नेपालले प्रष्ट शव्दमा भनेका छन्– तपाईंले ओलीसँग प्रधानमन्त्री पद त्याग्ने भन्दा अन्य कुुनै बुँदामा सहमति जनाउनुु भयो भने त्यसको स्वामित्व हामी लिनेवाला छैनौं ।

त्यही भएर प्रचण्डको प्रेसर बढेको छ – उनी निकट एक स्थायी कमिटी सदस्यले भनेका छन् । तर जति कुरा गर्दापनि ओली भने प्रधानमन्त्री पद नत्याग्ने अडानमा रहेका छन् । त्यही भएकाले छलफल निरन्तर जारी छ । यस अगाडिको विवादमा चिनियाँ राजदूतले ओलीलाई सघाएकी थिइन् । यसपटक भने उनको सहयोग ओली विरोधी खेमालाई हुुने अनुमान गरिएको छ । ओलीलाई थप दवाव सिर्जना गर्न चिनियाँ राजदूतलाई माधव नेपाल पक्षले आग्रह गरेको छ ।

यसरी हेर्दा नेकपा भित्र सल्केको भुुुसको आगो त्यति सजिलै निभ्ने अवस्था चाहिं देखिन्न । तर दुुबै पक्षले आफूलाई बलियो देखाउन र सकेसम्म बार्गेनिङ गर्न एक अर्कालाई त्रस्त बनाउने प्रयास भने जारी राखेका छन् ।