निगमका ३ पाइलटसहित १४ कर्मचारीमा कोरोनाको पुष्टि

२२ असार, काठमाडौं । नेपाल एयरलाइन्सका ३ पाइलटसहित १४ उडान कर्मचारीमा कोरोना संक्रमणको पुष्टि भएको छ । तीन पाइलटसहित नेपाल वायुसेवा निगमका १४ जना उडान कर्मचारीमा कोरोना संक्रमण भएको नेपाल वायुसेवा निगमले जनाएको छ ।

त्यसमध्ये ३ जना पाइलट र अन्य ११ जना भने क्याविन क्रु रहेका छन् । यसरी पुष्टि भएका पाइलट तथा उडान कर्मचारी सबै होटल क्वारेन्टाइनमा बसेको निगमले जनाएको छ । विदेशमा अलपत्र नेपालीको उद्धार अभियानमा विभिन्न गन्तब्यमा खटिएका उडान कर्मचारीमा कोरोना देखिएको हो ।