ओली प्रचण्ड सहमति नजिक हुँदा नेपाल पक्षलाई भयो ऐंठन

२४ असार, काठमाडौं । पार्टी अध्यक्षसमेत रहेका प्रधानमन्त्री केपी ओलीको निरंकुश शैलीले चरमसीमा पार गरेपछि शीर्ष नेताहरु एकै थलोमा आइपुगे । नेपाली जनताले झण्डै दुई तिहाई मतका साथ स्थानीय, प्रदेश र संघीय सरकार बनाउने जनादेश दिएको छ , तर जनतालाई राहत पुग्ने कुनै काम भएको छैन ।

कोरोना भाइरसको आतंकका बेलासमेत सत्तामा बसेकाहरु भ्रष्ट्राचार र कमिशनमा चुर्लुम्म डुबुल्की मारेका छन् । साथै, प्रधानमन्त्रीसमेत दूधको साक्षी बिरालो बनेको अवस्था छ । अब पार्टी र सरकारको शाख कसरी जोगाउने भन्ने ध्याउन्नमा नेताहरु रुमल्लिएका छन् । जबसम्म ओली सत्तामा रहन्छन्, तबसम्म न त पार्टीकै हित हुन्छ, न सरकार नै लोकप्रिय भन्ने ठहरका साथ नयाँ समीकरण तयार भयो ।

ओली इतर पक्षमा शीर्ष नेताहरु गोलबद्ध भएपछि पार्टीभित्रको समीकरण एकाएक बदलियो । अर्का अध्यक्ष पुष्पकमल दाहाल प्रचण्डसमेत ओली विरोधी खेमामा आवद्ध भएयता सत्तारुढ दल भित्रको तस्बिर नै बदलियो । आक्रामक शैलीमा प्रस्तुत हुने ओली अब भने रक्षात्मक अवस्थामा आइपुगेका छन् । सचिवालय बैठकमा ओली पटक पटक अल्पमतमा परे ।तर विभिन्न फण्डा झिकेर ओली सधैं उम्कने अवस्था बनेको थियो । तर गएको असार दोस्रो साताबाट शुरु भएको स्थायी कमिटी बैठकमा ओलीविरुद्ध लगभग सबै सदस्य एकताबद्ध भएपछि ओलीमाथि दुवै पदबाट राजीनामा दिन चर्काे दवाव प¥यो ।

बालुवाटार जग्गा प्रकरणमा ओलीले नेता माधव नेपाललाई जेल नै हाल्ने तयारी गरेकोमा अख्तियार प्रमुख नबीन घिमिरेले नमानेको जानकारी आफूहरुसँग रहेको पनि उनले खुलासा गरे । यस्तो अपराधिक सोच र मनोबृत्तिबाट ग्रस्त व्यक्तिलाई प्रधानमन्त्री पदका कायमै राख्ने हो भने भोलि प्रचण्डसमेत जेलमा कोचिने चेतावनी उनले दिए ।

त्यसपछि बल्ल शुरु भयो महाभारत । महाधिबेशनबाट निर्वाचित ओली अर्काे महाधिबेशनसम्मका लागि वैध अध्यक्ष हुुन् । साथै, गत निर्वाचनमा ओलीको राष्ट्रवादी छवि बनेकै कारण आम नेपालीले उनको नेतृत्वलाई मतदान गरेकै हुुन् । त्यही बलमा ओली प्रधानमन्त्रीसमेत बन्न सफल भएका थिए । तर पछिल्लो अवस्थामा ओलीले दुबै पद त्याग्नुपर्ने दवाव बनाइएपछि परिस्थितिले नयाँ स्वरुप लिएको हो ।

अब भने नेकपा वार की पारकै अवस्थामा आइपुगेको छ । कि त ओली शासन व्यहोर्न प¥यो या विभाजन स्वीकार्नुप¥यो ।पछिल्लो अवस्था ठीक यस्तै छ । पार्टी संयन्त्रहरुमा सबैतिर घोर अल्पमतमा रहेका ओली संसद अधिवेशन अन्त्य गरेपछि फेरि आक्रामक शैलीमा उत्रिएका छन् । त्यही त्राशले गर्दा नेताहरु जारी स्थायी कमिटी बैठक पटक पटक स्थगित गरेर ओलीलाई फकाएर राजीनामा गराउने ध्याउन्नमा कस्सिएका छन् । यसका लागि असन्तुष्टहरुले प्रचण्डलाई ओलीसँग आवश्यक संवाद गर्न म्याण्डेट दिएका छन् । सोही बमोजिम ओली र प्रचण्डबीच चरणवद्ध रुपमा छलफल जारी छ । पटक पटक गरिएका छलफल निचोडमा नपुगेपनि सकारात्मक रहेको भन्दै भाका फेरिएकै छन् । आजका लागि तय गरिएको स्थायी कमिटी बैठक फेरि पर्सिसम्मका लागि स्थगित गरिएको छ ।

अध्यक्षद्वयबीच भइरहेका बैठकले निचोड ननिकाले पनि सही दिशा पक्रेको भनिएको छ । तर उनीहरु आपसमा शक्ति बाँडफाँडमा केन्द्रित रहेको हल्ला फैलिएपछि भने माधवकुमार नेपाल समूहमा खैलाबैला भएको छ । समग्र पार्टी भित्रको समस्याको निकास ओली र प्रचण्डबीचको लेनदेनबाट सुल्झन नसक्ने भनाई नेपाल पक्षीय नेताहरुको रहेको छ । त्यसैले जबसम्म ओलीले पद त्याग गर्ने विषयमा सहमति जनाउँदैनन् तबसम्म आफूहरुलाई कुनैपनि सहमति स्वीकार्य नहुने एक नेपाल पक्षीय केन्द्रीय सदस्यले भने ।

नेपाल पक्षले कतै प्रचण्ड र ओलीबीच आपसी लेनदेनमा विवाद निप्टारा गर्न खोजिएका त होइन भन्ने त्राशमा रहेको पाइन्छ । कतै ओली र प्रचण्ड मिलेर हिजो जस्तै एकलौटी गर्ने त होइनन् भन्ने मनोविज्ञानले काम गरेको पाइन्छ । तर नेपाल भने ओलीलाई प्रधानमन्त्रीबाट विस्थापन गर्न सकियो भने भोलि कुनै पनि बेला प्रचण्डसँग खोस्न सकिने कुरामा ढुक्क देखिन्छ ।

खासगरी प्रधानमन्त्री पदबाट राजीनामा नदिएसम्म ओलीलाई स्वीकार्न नसकिने उनको भनाई छ । आफ्ना प्रतिस्पर्धी नेताहरुलाई बिभिन्न बहानामा जेल नै हाल्नेसम्मको तयारीमा रहेका ओलीप्रति विश्वास गर्न नसकिने ती नेताको भनाई छ । बालुवाटार जग्गा प्रकरणमा ओलीले नेता माधव नेपाललाई जेल नै हाल्ने तयारी गरेकोमा अख्तियार प्रमुख नबीन घिमिरेले नमानेको जानकारी आफूहरुसँग रहेको पनि उनले खुलासा गरे । यस्तो अपराधिक सोच र मनोबृत्तिबाट ग्रस्त व्यक्तिलाई प्रधानमन्त्री पदका कायमै राख्ने हो भने भोलि प्रचण्डसमेत जेलमा कोचिने चेतावनी उनले दिए ।

हामीले समग्र पार्टी हितका लागि ओलीको बहिर्गमनको कुरा गरेका हौं भन्दै उनले तर कसैको व्यक्तिगत लाभ पूरा गर्ने संयन्त्रका रुपमा पार्टीलाई दुरुपयोग नगर्न उनले चेतावनी दिए । ओलीको बिकल्पमा प्रचण्डलाई प्रधानमन्त्री बनाउन सकिने तर पार्टी भित्र छलफल गरेर मात्र सम्भव हुने पनि उनले खुलाए ।  तर प्रचण्ड निकट नेताहरु भने नेपाल पक्षले अनावश्यक हल्ला मात्र गरेको दावी गरेको छ । प्रचण्डको सचिवालयका एक सदस्यले भने – माधव नेपाल र प्रचण्डबीच पटक पटक संवाद भएको छ । कतै कुनै स्वार्थ प्रचण्डमा छैन । किन हो अनावश्यक हल्ला ?

प्रचण्ड निकट स्रोत भन्छ– स्वयं माधव नेपालले अब ओली पछाडिको प्रधानमन्त्री तपाईं नै हो भनेर धेरै पटक प्रचण्डलाई भनिएको छ । तर प्रचण्डले सबै कुरा पार्टीमा छलफल गरेर मात्र गरौं भन्नुभएको छ । नेपाल पक्षले कतै प्रचण्ड र ओलीबीच आपसी लेनदेनमा विवाद निप्टारा गर्न खोजिएका त होइन भन्ने त्राशमा रहेको पाइन्छ । कतै ओली र प्रचण्ड मिलेर हिजो जस्तै एकलौटी गर्ने त होइनन् भन्ने मनोविज्ञानले काम गरेको पाइन्छ । तर नेपाल भने ओलीलाई प्रधानमन्त्रीबाट विस्थापन गर्न सकियो भने भोलि कुनै पनि बेला प्रचण्डसँग खोस्न सकिने कुरामा ढुक्क देखिन्छ ।

उता, ओली पक्ष भने तत्काललाई अध्यक्ष र प्रधानमन्त्री दुुवै छाड्ने कुनै सम्भावना नरहेको स्पष्ट गर्छ । अहिलेसम्म भएका छलफल भनेको २०७५ मंसिर ४ को सहमतिलाई नै परिमार्जन गर्ने भन्ने रहेको दावी ओली पक्षको छ । जसमा प्रचण्डलाई कार्यकारी अध्यक्षका रुपमा पार्टी सञ्चालनको एकल निर्णय गर्न दिने कुरामा थप स्पष्ट गर्ने भन्ने रहेको छ । साथै, एक व्यक्ति एक पदको पक्षमा पनि केही कुुरा भएको तर तत्कालै कार्यान्वयन गर्न नसकिने ओली पक्षको भनाई रहेको छ ।

ओली पक्षीय एक नेताका अनुसार, केही समयपछि भने अध्यक्ष पदबाट समेत ओलीले राजीनामा दिने तर प्रचण्ड मात्रै एकल अध्यक्ष रहने व्यवस्था गरिने छ । त्यसैले बाहिर जतिसुकै हल्ला गरिएपनि ओलीले कुनै पनि हालतमा प्रधानमन्त्री र अध्यक्ष पद त्याग्ने कुरा असम्भव रहेको ती नेताको भनाई छ । सत्तारुढ नेपाल कम्युनिष्ट पार्टी भित्रको चुलिँदो विवादले आखिर के निकास देला त भनेर अहिले यसै भन्न सकिने अवस्था भने छैन् ।