सामाजिक सञ्जालमा भाइरल बन्यो रेखाको नयाँ पोज

काठमाडौं । चर्चित अभिनेत्री रेखा थापा पछिल्लो समय निरन्तर योगाअभ्यासमा छिन् । योगाशन देखि व्यायामका विभिन्न तस्बिर सामाजिक सञ्जालमा पोष्ट गरिरहेकी रेखाले बिहिबार फेरी अर्को योगा पोजको तस्विर सेयर गरेकी छिन् ।

सामाजिक सञ्जाल फेसबुकमा उनले टाउको तल खुट्टा माथि राखेर तस्बिर सेयर गरे लगत्तै तस्विर भाइरल बनिरहेको छ । यसअघि रेखाको शरीरको माथिल्लो भागमा कुनै कपडा नलगाएका पुरुष रेखाको पिठ्युँमा दुवै हात राखेर सिधा तन्किएका छन् ।

देख्दा अचम्म लाग्ने यो दृश्य पोष्ट गर्दै उनले सन्तुलन सबै चीजको मुख्य विषय भएको बताउँदै भनेकी छिन् खाने, बस्ने, सोच्ने, महशुश गर्ने, बोल्ने र काम गर्ने सबै विषयमा सजगता आवश्यक रहेको लेखेकी छिन् । फिटनेस ट्रेनर विजु पार्कीसँग उनले योग सिकिरहेकी रेखाले यो तस्विर पोष्ट गरे लगत्तै यो तस्विर भाइरल बनेको छ ।