लिभरपुलको शानदार जित, नयाँ किर्तिमान नजिक

एजेन्सी । इंग्लिस प्रिमियर लिग फुटबलमा लिभरपुलले शानदार जित निकालेको छ । गएराती भएको खेलमा ब्राइटनलाई ३–१ गोल अन्तरले हराउदै लिभरपुलले शानदार जित निकालेको हो । लिभरपुलको जितमा मोहम्मद सलाहले दुई तथा जोर्डन हन्डरसनले एक गोल गरे ।

जितपछि लिभरपुलको ३४ खेलबाट ९२ अंक भएको छ । समान खेलबाट ३६ अंक जोडेको ब्राइटन १५ औं स्थानमा छ । लिगमा अब चार चरणका खेल बाँकी छँदा लिभरपुल नयाँ किर्तिमानको नजिक छ । अबका सबै खेलमा जित निकाले लिभरपुलले प्रिमियर लिगमा १०० भन्दा धेरै अंक जोड्नेछ ।

यसअघि २०१८ मा म्यान्चेष्टर सिटीले प्रिमियर लिगमा १०० अंक जोडेर नयाँ किर्तिमान बनाएको छ । लिभरपुल यो किर्तिमान तोडेर आफ्नै नाममा नयाँ किर्तिमान राख्ने लक्ष्यमा रहेको छ ।