भोलि शनिबार पनि बैंक खुल्ला रहने

काठमाडौं । असार मसान्तको समयमा चाप बढेपछि नेपाल राष्ट्र बैंकले शनिबार पनि बैंकहरू खुला राख्न निर्देशन दिएको छ । क, ख र ग वर्गका बैंक तथा वित्तीय संस्थाहरूलाई राष्ट्र बैंकले असार मसान्तसम्म शनिबार तथा सार्वजनिक बिदामा पनि बैंक खुला राख्न निर्देशन दिएको हो ।

राष्ट्र बैंक, बैंक तथा वित्तीय संस्था नियमन विभागका प्रमुख देवकुमार ढकालका अनुसार बैंकसँगै क्लियरिङ गर्ने नेपाल क्लियरिङ हाउस समेत भोलि शनिबार खुला रहनेछ ।

सरकारलाई तिर्नुपर्ने राजस्व तिर्न असार मसान्तसम्म शनिबार र सार्वजनिक बिदा भए पनि राष्ट्र बैंकले निश्चित समय तोकेर बैंकहरूलाई खुला राख्न निर्देशन दिने गरेको थियो । यसअघि कोरोनाकै कारण पनि लामो समय बन्द रहेका बैंक तथा वित्तिय संस्थाहरु सेवा दिइरहेका छन ।