नेकपा सचिवालय, स्थायी कमिटी विवाद मिलाउन विफल, अब केन्द्रीय कमिटी राख्ने तयारी

२९ असार, काठमाडौं । सत्तारुढ नेपाल कम्युनिष्ट पार्टीको जारी स्थायी कमिटी बैठकले विवादको हल खोज्न नसकेपछि अब केन्द्रीय कमिटी बोलाइने भएको छ । असार १० गतेबाट शुरु भएको स्थायी कमिटी बैठकमा अधिकांश सदस्यले पार्टी अध्यक्षसमेत रहेका प्रधानमन्त्री केपी ओलीलाई दुवै पदबाट राजीनामा दिन माग राखेपछि विवादले चरम रुप लिएको हो ।

स्थायी कमिटीले आफूमाथि कारवाही गर्ने संकेत पाएका ओलीले अध्यादेशमार्फत दल बिभाजनसम्बन्धी व्यवस्था सहज गरिने तयारी अगाडि बढाएका छन् । पार्टी विभाजनको तयारी अगाडि बढेपछि भने असन्तुष्ट पक्ष झस्किएको हो । लगत्तै अर्का अध्यक्ष पुष्पकमल दाहाल प्रचण्डले प्रधानमन्त्री ओलीसँग वार्ता अघि बढाएका छन् । शीर्ष नेताहरुसँग सल्लाह गरी ओलीसँग वार्ता गर्न बसेका प्रचण्डले व्यक्तिगत लाभ हुने गरी शर्तहरु अगाडि सारेपछि माधव नेपाल र झलनाथ खनालसमेत रुष्ट भएका छन् । साथै, ओलीले दुवै पदबाट तत्काल राजीनामा नदिने चट्टानी अडान दोह¥याकाले प्रचण्ड थप दवावमा परेका छन् । पछिल्लो पटक गएको विहीबार दुवै अध्यक्षबीच भएको वार्ता तिक्त बनेपछि अर्काे भेटसमेत भएको छैन ।

स्थायी कमिटीले निकास दिन नसकेकाले केन्द्रीय कमिटी बैठक जरुरी रहेको पनि उनले बताए ।  तर माधव नेपाल र झलनाथ पक्ष भने स्थायी कमिटीले ठोस धारणा बनाउन सकेन भने पंगु ठहरिने भएकाले पनि केही त गर्नै पर्ने पक्षमा रहेका छन् । उता, प्रचण्ड पक्षको चाहना चाहिं शीर्ष नेतृत्वबीच सहमति कायम भएपछि मात्रै पार्टी कमिटी बैठक बस्नुपर्ने रहेको छ ।

प्रधानमन्त्रीसँगको छलफलले आकार लिन नसकेकै बेला प्रचण्ड गृह जिल्ला चितवन पुुगेका छन् । त्यहाँ उनले ओली मात्र महान राष्ट्रवादी र अरु चाहिं लम्पसारवादी भन्ने हौवा फैलाइएको भन्दै निन्दा गरे । उनले घुमाउरो पारामा ओलीको राष्ट्रवादी डम्फू नक्कली रहेको धारणा राखेका छन् । यसको अर्थ उनीहरु अझै एक अर्काप्रति सशंकित छन् । त्यसैले अहिलेको विवादको निकास स्थायी कमिटीले दिन सक्दैन– नेकपाकै एक तटस्थ नेता भन्छन् । ओलीजीलाई अपमानजनक ढंगले निकाला गर्ने झलनाथ खनालको चाहनाले पार्टी एकता कायम हुन सक्दैन भन्दै ती नेताले ओलीले पनि दुई मध्ये एक पद त्याग्नै पर्ने बताए ।

साँच्चै पार्टी एकता कायम राख्ने हो भने सबैले त्याग गर्न सक्नुपर्ने उनको भनाई छ । यसका लागि स्थायी कमिटी भन्दा शक्तिशाली निकायका रुपमा रहेको केन्द्रीय कमिटी बैठक राख्नुपर्ने उनको धारणा छ । स्थायी कमिटीले निकास दिन नसकेकाले केन्द्रीय कमिटी बैठक जरुरी रहेको पनि उनले बताए ।  तर माधव नेपाल र झलनाथ पक्ष भने स्थायी कमिटीले ठोस धारणा बनाउन सकेन भने पंगु ठहरिने भएकाले पनि केही त गर्नै पर्ने पक्षमा रहेका छन् । उता, प्रचण्ड पक्षको चाहना चाहिं शीर्ष नेतृत्वबीच सहमति कायम भएपछि मात्रै पार्टी कमिटी बैठक बस्नुपर्ने रहेको छ ।

अब केन्द्रीय कमिटी बैठक डाक्ने हो भने त्यसका लागि केही समय लाग्ने अवस्था छ । किनभने बाढी पहिरो र कोरोना भाइरसको संक्रमण कायमै रहेका बेला ठूलो बैठक डाक्ने कुरा तत्काललाई सहज देखिंदैन । झण्डै दशैं ताका मात्रै केन्द्रीय कमिटी बैठक डाक्ने अवस्था रहेको छ । त्यतिञ्जेल ओलीले धेरै फण्डा गरिसक्ने छन् ।

अहिलेको अवस्था हेर्दा ओली र प्रचण्डबीचको सम्वाद कुन बिन्दूबाट शुरु होला त ? भनेर अनुमान गर्न नै मुश्किल देखिएको छ । पछिल्लो पटकको भेटमा अध्यक्षद्वय आक्रोशित मुद्रामा बाहिरिएका थिए । गएको चार दिनदेखि नेताहरुबीच छलफल त के फोन वार्तासमेत भएको छैन । अब के विषयमा कुरा गर्ने ?– ओली निकट एक नेता प्रश्न गर्छन् । प्रधानमन्त्रीले दुवै पदबाट राजीनामा दिन्न भनिसकेको अवस्था छ, अब के छलफल गर्न भन्दै उनले चित्त नबुझ्नेले बहुमतको डण्डा चलाएर कारवाही गर्ने हिम्मत देखाए हुन्छ– उनले भने । यस्तो विषम परिस्थिति देखापरेपछि कसरी अगाडि बढ्ने भन्नेमा दुवै पक्ष अन्योलग्रस्त बनेको छ । ओलीले कुुनै एक पदबाट राजीनामा दिन सहमति जनाउँदा धेरै कुरा मिल्ने बुझाई प्रचण्ड पक्षको रहेको छ । विगतमा भएका छलफलमा यसबारे ओली पनि केही लचक देखिएका थिए ।

पाँचै वर्ष प्रधानमन्त्री बन्ने ओलीको चाहना रहेको र अध्यक्ष चाहिं केही समयपछि त्याग्न उनी तयार थिए । तर झलनाथ खनाललगायत केही नेताले दुवै पदबाट एकैसाथ राजीनामा दिनैपर्ने अडान लिएपछि ओलीले त्यसमा रुचि देखाएनन् । अब केन्द्रीय कमिटी बैठक डाक्ने हो भने त्यसका लागि केही समय लाग्ने अवस्था छ । किनभने बाढी पहिरो र कोरोना भाइरसको संक्रमण कायमै रहेका बेला ठूलो बैठक डाक्ने कुरा तत्काललाई सहज देखिंदैन । झण्डै दशैं ताका मात्रै केन्द्रीय कमिटी बैठक डाक्ने अवस्था रहेको छ । त्यतिञ्जेल ओलीले धेरै फण्डा गरिसक्ने छन् ।

स्थायी कमिटी बैठकले कुनै निकास दिएन भने ओली मौजुदा मन्त्रिपरिषदमा पुनर्गठन गर्ने तयारीमा छन् । यसक्रममा उनले पार्टी उपाध्यक्ष बामदेव गौतम र अर्का सचिवालय सदस्य रामबहादुर थापालाई मिलाउन सके भने अझै बलिया हुुन सक्छन् ।अर्कातिर ओलीलाई कारबाही गरेर हटाउन सक्ने ल्याकत असन्तुष्ट नेताहरुमा पनि छैन । ओलीलाई हटाउनु भनेको पार्टी विभाजनको बाटो खोल्नु हो भन्ने सबैलाई ज्ञान भएकै हो । त्यसैले ओलीलाई तर्साएर भन्दा फकाएर मात्रै राजीनामा गराउन सकिने पक्षमा प्रचण्ड देखिन्छन् ।