तरुण दलले बीपीको ३८ औं स्मृति दिवस विशेष रुपमा मनाउदै

काठमाडौं । नेपाली कांग्रेसको युवा भ्रातृ संगठन तरुण दलले संस्थापक नेता बीपी कोइरालाको स्मृति दिवस विशेष रुपमा मनाउने भएको छ । तरुण दलले साउन ६ गते बीपीको ३८ औँ स्मृति दिवस विशेष रुपमा मनाउने भएको हो ।

बीपीको स्मृति कार्यक्रममा सबैलाई सहभागि गराउने, बृक्षारोपण, सरसफाई, रक्तदान लगायतका कार्यक्रम गर्ने, कोरोना रोकथामका लागि बनाइएको क्वारेन्टाइनमा सरसफाई गर्ने लगायतका कार्यक्रम तरुण दलले तय गरेको छ ।

अध्यक्ष जितजङ बस्नेतले बीपी स्मृति दिवसका अवसरमा बाढी पहिरो प्रभावितको राहत तथा उद्धारमा लाग्ने, केन्द्रदेखि प्रदेश र पालिकाका समितिलाई बीपी स्मृति दिवसलाई भव्यसँग मनाउन परिपत्र गर्ने निर्णय भएको जानकारी दिए ।

कोरोनाको परिस्थितीमा स्वास्थ्य सुरुक्षा सामग्रीसहित कार्यक्रममा सहभागि हुन पनि अध्यक्ष बस्नेतले आग्रह गरेका छन ।