प्रधानमन्त्री ओलीको अभिव्यक्तिप्रति भारतीय जनता पार्टीको आपत्ति

काठमाडौं । प्रधानमन्त्री केपी शर्मा ओलीले भगवान राम नेपाली भएको र नेपालमै जन्मेको अभिव्यक्ति दिएपछि भारतीय जनता पार्टीले आपत्ति जनाएको छ ।

यस विषयले भारत र भारतीय मिडियामा विशेष चाँसो दिएर आलोचना भइरहेका बेला सत्तारुढ भारतीय जनता पार्टीले आपत्ति जनाउदै ओलीको अभिव्यक्तिको भत्र्सना गरेको हो ।

भाजपाका प्रवक्ता विजय शोनकर शास्त्रीले प्रधानमन्त्री ओलीको अभिव्यक्तिप्रति आपत्ति जनाएका हुन । ‘भगवान राम हाम्रो आस्थाको प्रतीक हुन् र यहाँका कसैले पनि आस्थामा खेलवाड गर्न दिँदैनन् । चाहे त्यो नेपालको प्रधानमन्त्री होस् वा जो कोही होस् ।’ शास्त्रीले भारतीय सञ्चारमाध्ममा भनेका छन ।

सोमबार भानुजयन्तीको अवसरमा प्रधानमन्त्री निवास बालुवाटारमा आयोजित एक कार्यक्रममा ओलीले रामको जन्म नेपालको अयोध्यापुरीमा भएको तर भारतले साँस्कृतिक अतिक्रमण गरेको अभिव्यक्ति दिएका थिए ।

नेपालमा भने ओलीको यो अभिव्यक्तिले चर्चा पाइरहेका बेला भारतमा भने चर्को आलोचना भइरहेको हो ।