मेलम्चीमा सुरुङ परीक्षणको काम स्थगित

काठमाडौं । दुई जना बेपत्ता भएपछि मेलम्ची खानेपानी आयोजनाको सुरुङ परीक्षणको काम स्थगित गरिएको छ । मंगलबार आयोजनाको अम्बाथानस्थित आवश्यक गर्दा पानी फाल्न बनाइएको गेट खुलेर दुई जना बेपत्ता भएपछि सुरुङको परीक्षण गर्ने काम रोकिएको हो ।

मंगलबार दिउँसो सुरुङ गेटमा पानी चुहावट निरीक्षण गर्न गएका ४ जनालाई गेट फुटेर आएको पानीले बगाएको थियो । त्यसमध्ये २ जनाको उद्धार भएको छ भने दुई जना बेपत्ता छन् ।

चिनियाँ कम्पनीकातर्फबाट गेटको निरीक्षणमा गएका एकजना इन्जिनियर र आयोजनाका सवारी चालक मेलम्चीमा बेपत्ता भएका हुन् । घाइते दुई जनाको काठमाडौंमा उपचार भइरहेको छ ।

आज विहानको खाना खाएपछि उनीहरु सुरुङमा पानी चुहावटको अवस्था अध्ययन गर्न अम्बाथानको मुख्य सुरुङमा जान बनाइएको सुरुङ हुँदै फ्लसिङ गेटमा पुगेका बेला दुर्घटना हुँदा दुर्घटना भएको आयोजनाका प्रवक्ता राजेन्द्र पन्तले बताए । दुई जना बेपत्ता भएपछि बाँधबाट सुरुङमा पानी हाल्न पूर्ण रुपमा रोकिएको बताएका हुन ।