काठमाडौं । चीनले दिएको ५५ लाख अमेरिकी डलर स्वीस बैंकमा राखिएको विषयमा प्रधानमन्त्री केपी शर्मा ओलीले आफ्नो ध्यानाकर्षण भएको बताएका छन । प्रधानमन्त्री केपी शर्मा ओलीका प्रेस सल्लाहकार सुर्य थापाले ‘ग्लोबल वाच एलालाईसीस’को हवाला दिएर प्रकाशित समाचारप्रति आफ्नो गम्भिर ध्यानाकर्षण भएको बताएका हुन ।

उनले स्वीस बैंकमा ५५ लाख अमेरिकी डलर राखिएको दाबी गलत भएको पनि बताएका छन । तथ्य, तथ्यांक र कुनै पनि प्रमाण बिना नै स्वीस बैंकमा पैसा राखिएको विषयमा समाचार प्रकाशन गरिनु खेदजनक भएको पनि प्रधानमन्त्रीका प्रेस सल्लाहकार थापाको दाबी छ ।

‘ग्लोबल वाच एनालाइसिस’को हवाला दिदैं केही नेपाली अनलाइनहरूले गैरजिम्मेवारीपूर्ण र बदनियतका साथ गरिररहेको अत्यन्त भ्रामक, गलत र चरित्रहत्या गर्न लक्षित झूठो सम्रेषणप्रति हाम्रो ध्यानाकर्षण भएको छ’ थापाले सामाजिक सञ्जाल फेसबुकमा लेखेका छन, ‘स्वीस बैंकमा खाता र ५ दशमलव ५ मिलियन अमेरिकी डलर जम्मा रहेको वा यस्तै व्यहोराका तथाकथित रिपोर्ट शतप्रतिशत गलत र कपोलकल्पित रहेको स्पष्ट गर्दछु । जुनसुकै दुर्नियतका साथ तयार गरी सम्प्रेषित यस्ता तथ्यहीन सामग्रीहरूलाई आधार मानेर समाचार बनाई नेपाली जनतामा भ्रम छर्न र प्रधानमन्त्रीज्यूलाई बदनाम गर्न उद्यत यस्ता कतिपय संचारमाध्यमहरूको रवैया खेदजनक छ ।’

ग्लोबल वाचले केही दिनअघि प्रधानमन्त्री ओलीको नाममा स्वीस बैंकमा ५५ लाख अमेरिकी डलर रहेको र त्यो चीनले दिएको दाबीसहितको रिर्पोट सार्वजनिक गरेको थियो । सोही रिर्पोटलाई आधार मान्दै नेपाल बहससहित केही पत्रिका र सञ्चारमाध्यमले समाचार प्रकाशन गरेका छन ।

प्रधानमन्त्रीका प्रेस सल्लाहकार सुर्य थापाको खण्डन विज्ञप्ती :

प्रेस नाेट

“ग्लाेबल वाच एनालाइसिस”काे हवाला दिदैं केही नेपाली अनलाइनहरूले गैरजिम्मेवारीपूर्ण र बदनियतका साथ गरिररहेकाे अत्यन्त भ्रामक, गलत र चरित्रहत्या गर्न लक्षित झूठाे सम्रेषणप्रति हाम्रो ध्यानाकर्षण भएकाे छ । स्वीस बैंकमा खाता र ५.५ मिलियन अमेरिकी डलर जम्मा रहेकाे वा यस्तै व्यहाेराका तथाकथित रिपोर्ट शतप्रतिशत गलत र कपाेलकल्पित रहेकाे स्पष्ट गर्दछु । जुनसुकै दुर्नियतका साथ तयार गरी सम्प्रेषित यस्ता तथ्यहीन सामग्रीहरूलाई आधार मानेर समाचार बनाई नेपाली जनतामा भ्रम छर्न र प्रधानमन्त्रीज्यूलाई बदनाम गर्न उद्यत यस्ता कतिपय संचारमाध्यमहरूकाे रवैया खेदजनक छ ।

यो पनि पढ्नुहोस:

चीनबाट लिएको ५५ लाख अमेरिकी डलर प्रधानमन्त्री ओलीले स्वीस बैंकमा राखेको दावी