पर्साको अयोध्यापुरीमा उत्खनन गर्ने पुरातत्व विभागको तयारी

काठमाडौं । प्रधानमन्त्री केपी शर्मा ओलीले राम जन्मेको अयोध्या विरगञ्जको ठोरीमै रहेको भनेपछि पूरातत्व विभागले अयोध्यापुरीमा उत्खनन् गर्ने भएको छ । प्रधानमन्त्री ओलीको बोलीपछि पूरातत्व विभागले अयोध्यापुरीमा उत्खनन् गरेर त्यसबारे अनुसन्धान शुरु गर्ने भएको हो ।

अयोध्या नेपालमै भएको र भगवान राम नेपाली भएको भनेपछि प्रधानमन्त्री केपी शर्मा ओलीको आलोचना बढ्दो छ । तर केही व्यक्तिले प्रधानमन्त्री ओलीले सही बोलेको दाबी गर्दै आएका छन । प्रधानमन्त्रीले बोलेको सत्य वा झुटोको छिनोफानो गर्न अयोध्यापुरीमा उत्खनन् गर्नुपर्ने पुरातत्वविदहरुको भनाई छ ।

अहिले बाहिर आएका तथ्यमा प्रमाण नरहेको भन्दै खास प्रमाणकै लागि अयोध्यापुरीमा उत्खन्न गर्नुपर्ने विभागका अधिकारीको भनाई छ । अयोध्यापुरी क्षेत्रमा वाल्मीकि आमश्र छ भने एउटा गुफासहित विभिन्न पुराना सम्पदा छन । तर त्यसका बारेमा कुनै खोज तथा अनुसन्धान हुन सकेको छैन् ।