पेस्तोलसहित विप्लवका दुई नेता पक्राउ

काठमाडौं । प्रतिबन्धित समूह नेत्रविक्रम चन्द विप्लवका दुई जना नेता पक्राउ परेका छन । विप्लवका केन्द्रिय सदस्य र सेती महाकाली ब्युरो इञ्चार्ज पक्राउ परेका हुन ।

बुधबार बिहान गोप्य सूचनाको आधारमा उनीहरु कैलालीको धनगढी उप–महानगरपालिका वडा नम्बर ७ वेलीबाट पक्राउ परेका हुन् ।

विप्लवका केन्द्रीय सदस्य दाङ दाङका निर्वाण भन्ने ओम प्रकाश पुन र सेती महाकाली ब्युरो इञ्चार्ज डडेल्धुरा पूर्णिमा भन्ने गौरा धामीलाई प्रहरीले पक्राउ गरेको हो ।

उनीहरुको साथबाट एउटा मोटरसाइकल र एउटा पेस्तोल बरामद गरिएको छ । यसअघि कैलालीबाटै प्रहरीले ६ जना पक्राउ परेका थिए ।