आर्थिक वर्षको अन्तिम दिन बुलिस आकृति बन्दै बजार बन्द, ईण्ट्राडे सकारात्मक

३१ असार, काठमाडाैं । आर्थिक वर्ष ०७६/७७ को अन्तिम दिन आज शेयर बजारमा दोश्रो दोहोरो अंकको वृद्धि देखिएको छ । बुधबार नेप्से परिसूचक १४ दशमलव ९० अंकले वृद्धि हुँदै १३६२ दशमवल ३४ को विन्दुमा बन्द भएको छ । दोश्रो बजार १ दशमलव ११ प्रतिशतले वृद्धि हुँदा १ अर्ब १६ करोड माथिको शेयर कारोवार भएको छ । आज १८९ कम्पनीका ३२ लाख १२ हजार कित्ता शेयर खरिदबिक्री भएका थिए ।

आज धेरै कारोवार दिनसम्म पनि तोड्ने नसकेको १३५० को विन्दुलाई बजारले तोडेको छ । यसलाई सकारात्मक रुपमा लिन सकिन्छ । आज बजार १३४७.८९ को विन्दुमा खुलेकोमा बजारको न्यून विन्दु पनि त्यही रहेको छ । त्यस्तै बजारको उच्च विन्दु १३६७.८३ रहेको छ । बजारले आज १ बजेर २८ मिनेटमा उच्च विन्दु समातेको थियो । त्यसपछि केही बिक्रीकर्ता हावी भएको बजारमा अन्तिम ३० मिनेटपछि भने बजारले पुन माथिल्लो दिशा समातेको थियो । आजको बजारको ईण्ट्राडे प्रवृत्तिलाई सकारात्मक मानिन्छ।

आज एनआईसी एशिया बैंक लिमिटेडको शेयर सर्वाधिक कारोवार भएको छ । एनआईसी एशिया बैंकको १० करोड ४० लाखको शेयर किनबेच भएको छ भने दोश्रोमा नेपाल पुनर्बीमा कम्पनीको ९ करोड ७३ लाख बराबारको शेयर कारोवार भएको छ।

एनआईसी एशिया लघुवित्तको बजार मूल्य सर्वाधिक ९ दशमवल ९२ प्रतिशतले वृद्धि भएको छ भने मिथिला लघुवित्तको शेयर मूल्य ५ दशमलव ४५ प्रतिशतले घटेको छ ।

आज बजारलाई ड्राईभ गर्ने वाणिज्य बैंकको उपसुचकमा २ दशमवल १६ प्रतिशतको वृद्धि देखिएको छ।  आज होटल, उत्पादन तथा प्रसोधन, लघुवित्त र जीवन बीमा उपसुचकमा मात्र गिरावट आएको छ।

प्राविधिक बिश्लेषण :
आज बजार बढ्दो प्रवृत्तिमा रहेको र १३६२ को प्रतिरोधलाई सामना गरिरहेको देखिन्छ । आजको बजार प्रवृत्तिले बुलिस मैनबत्ती आकृति बनाएको छ । यसले बजारमा क्रेताको चाप रहेको जानकारी गराएको छ।

दैनिकी अवधिमा “आरएसआई” ५४ दशमलब ८५ को बिन्दुमा छ । यो अक्सिलेटरले बजार हालसम्म सकारात्मक रहेको जानकारी दिएको छ ।

“एडीएक्स” ले बजार सामान्य रहेको तर जोड / बिजोड “डाइरेक्सनल इन्डेक्स”हरुले बजारमा क्रेताको चाप रहेको जानकारी गराएको छ।

“अन ब्यालेन्स भल्यूम” ले बजारमा क्रेताको चाप हुन थालेको जानकारी गराएको छ । नेप्से बढेमा पहिलो प्रतिरोध १३६७ को क्षेत्रमा पाउने देखिन्छ र घटेमा पहिलो टेवा १३५० को क्षेत्रमा पाउने देखिन्छ।

नोट : निर्णय लिनु अघि थप अनुसन्धान गर्नु होला !