बालुवाटारमा त्रिपक्षीय वार्ता : प्रचण्ड, ओली र माधव नेपालबीच छलफल शुरु

१ साउन, काठमाडौं । सत्तारुढ नेकपाभित्रको विवाद समाधान गर्न बालुवाटारमा त्रिपक्षीय छलफल शुरु भएको छ । भोलि स्थायी कमिटी बैठक डाक्ने र सहमति खोज्ने हिसाबले प्रधानमन्त्री केपी शर्मा ओली, अर्का अध्यक्ष प्रचण्ड र बरिष्ठ नेता माधवकुमार नेपालबीच छलफल शुरु भएको हो ।

दुई हप्तासम्म पनि प्रचण्ड र ओलीबीच लगातार वार्ता भएपनि सहमति जुट्न सकेको थिएन । दुई अध्यक्ष मिलेर आफूलाई फेरि कर्नरमा पार्ने खोजेको भन्दै बरिष्ठ नेता माधव कुमार नेपाल असन्तुष्ट थिए ।

माधव नेपालको असन्तुष्टीका साथै चुरो कुरामा विवाद लम्ब्याउनुभन्दा समाधान खोज्न आवश्यक ठानेर तीन नेताबीच वार्ता शुरु भएको नेताहरुले बताएका छन ।

नेकपामा प्रचण्ड र माधव नेपालले प्रधानमन्त्री ओलीलाई दुवै पदबाट राजीनामा दिन भनेका छन । तर ओलीले कुनै हालतमा राजीनामा नदिने अडान लिएपछि शुरु भएको विवाद मत्थर भएको छैन ।