नयाँ आर्थिक वर्षमा नयाँ उत्साह, नेप्से परिसूचकमा उछाल ! कहाँ निर छ सामान्य प्रतिरोध ?

१ साउन , काठमाडाैं । आर्थिक वर्ष ०७७/७८को पहिलो कारोवार दिन शेयर बजारमा आकर्षक वृद्धि देखिएको छ ।बिहीबार नेप्से परिसूचक ३२ दशमलव ४२ अंकले वृद्धि हुँदै १३९४ दशमवल ७७ को विन्दुमा बन्द भएको छ । दोश्रो बजार २ दशमलव ३८ प्रतिशतले वृद्धि हुँदा १ अर्ब ४ करोड माथिको शेयर कारोवार भएको छ । आज १८० कम्पनीका २९ लाख १४ हजार कित्ता शेयर खरिदबिक्री भएका थिए ।

आजको बजार “ईण्ट्राडे हाई” क्षेत्र नजिकै बन्द भएको छ । आजको बजारको उच्च विन्दु २ बजेर ३४ मिनेटमा १३९५.८३ छ भने बजार १३९४.७७ को विन्दुमा बन्द भएको छ। यसको मतलब बजारको आज गति सकारात्मक रहेको छ । आज बजारले ११ बजेर १ मिनेटमा न्यून विन्दु समातेको थियो । त्यस पश्चात भने बजार घट्न मानेको थिएन । आजको उच्च र न्यून विन्दुलाई हेर्दा आजको बजारको ट्रेन्ड सकारात्मक रहेको छ ।

नेपाल पुनर्बीमा कम्पनीको शेयर सर्वाधिक कारोवार भएको छ । नेपाल पुनर्बीमा कम्पनीको ९ करोड ४२ लाखको शेयर किनबेच भएको छ भने दोश्रोमा एनएमबी बैंकको ८ करोड २८ लाख बराबरको शेयर कारोवार भएको छ ।

एनआईसी एशिया लघुवित्तको बजार मूल्य सर्वाधिक ९ दशमलव ९६ प्रतिशतले वृद्धि भएको छ भने ओरियनटल्स होटल्सको शेयर मूल्य ६ दशमलव ३८ प्रतिशतले घटेको छ ।

टेवा र प्रतिरोध विन्दुहरु :

प्राविधिक विश्लेषण :
आज बजार बढ्दो प्रवृत्तिमा रहेको र १३६२ को बलियो प्रतिरोधलाई निश्चित रुपमा तोडेको देखिन्छ । आजको बजार प्रवृत्तिले बुलिस मैनबत्तीको चित्र बनाएको छ।

यसले बजारमा क्रेताको चाप रहेको र अर्को कारोबार दिन पनि बजार बढ्न सक्ने जानकारी गराएको छ । दैनिकी अवधिमा “आरएसआई” ५८ दशमलब ५७ को बिन्दुमा छ । यो अक्सिलेटरले बजार हालसम्म सकारात्मक रहेको जानकारी दिएको छ ।

“एडीएक्स” ले बजार सामान्य रहेको तर जोड / बिजोड “डाइरेक्सनल इन्डेक्स”हरुले बजारमा क्रेताको चाप रहेको जानकारी गराएको छ । “अन ब्यालेन्स भल्यूम” ले बजारमा क्रेताको चाप भएको जानकारी गराएको छ । नेप्से बढेमा पहिलो प्रतिरोध १४३० को क्षेत्रमा पाउने देखिन्छ र घटेमा पहिलो टेवा १३५० को क्षेत्रमा पाउने देखिन्छ ।