रियलले जित्यो स्पेनिस ला लिगाको उपाधि

२ साउन, एजेन्सी । ५ बर्षपछि स्पेनिस ला लिगा फुटबलको उपाधि रियल मड्रिडले जितेको छ । गएराति भएको खेलमा भिल्लारियललाई दुई एकको गोल अन्तरले हराउँदै रियलले इतिहासमा ३४ औं पटक लिगको उपाधि हात पारेको हो ।

घरेलु मैदानमा रियललाई जिताउन करिम बेन्जेमाले दुई गोल गरे । भिल्लारियलका लागि भिसेन्ट इबोर्राले गोल गरेपनि टोलीको हार टार्न सकेनन् । यसअघि रियलले सन् २०१६ मा ला लिगा जितेको थियो ।