कोरोना रहदासम्म एटीएमबाट पैसा निकाल्दा शुल्क लाग्दैन

२ साउन, काठमाडौं । लकडाउनदेखि जुनसूकै बैंकको एटीएमबाट पैसा निकाल्दा पैसा नलाग्ने व्यवस्था कोरोनाकालसम्म निरन्तर हुने भएको छ । कोरोना भाइरस अन्त्य नहुँदासम्म जुनसुकै बै.कबाट पैसा निकाल्दा पनि अब पैसा नकाटिने भएको छ ।

केही बैंकले भने साउनदेखि नै पैसा काट्ने तयारी गरेका थिए । तर नेपाल राष्ट्र बैंकले मौद्रिक नीतिमा कोरोना कालसम्म कुनै पनि बैंकबाट पैसा निकाल्दा नकाट्न भनेको छ ।

राष्ट्र बैंकका गभर्नर महाप्रसाद अधिकारीले आर्थिक वर्ष २०७७/७८ मौद्रिक नीतिमा यो व्यवस्था रहेको जानकारी दिएका हुन् ।