अब मूल्यवृद्धि ७ प्रतिशतभित्र कायम गरिने

२ साउन, काठमाडौं । नेपाल राष्ट्र बैंकले आगामी आर्थिक वर्षमा ७ प्रतिशतभित्र मूल्यवृद्धि कायम गरिने लक्ष्यसहित मौद्रिक नीति ल्याएको छ।

शुक्रबार राष्ट्र बैंकका गभर्नर महाप्रसाद अधिकारीले मौद्रिक नीति सार्वजनिक गर्दै आउँदो वर्षका लागि अनिवार्य नगद अनुपातको यथावत राखिएको बताए।

यस्तै केन्द्रीय बैंकले वैधानिक तरलता अनुपात यथावत् राखिएको छ भने बैंक दर पनि यथावत् गरिएको छ भने आर्थिक पुनरोत्थानका कार्यक्रमबाट थप आर्थिक क्रियाकलाप बढ्ने र त्यसले मूल्यवृद्धिको चाप बढाउन सक्ने अनुमान गरेको छ।

यस्तै केन्द्रीय बैंकले कृषि ऋण लिएका ऋणीलाई चालु आर्थिक वर्षको सुरुदेखि कृषि क्रेडिट कार्ड जारी गरिने भएको छ। यसका लागि कृषि विकास बैंकले कृषि ऋणपत्र जारी गरिने पनि राष्ट्र बैंकले बताएको छ ।

यस्तै अब सेयर लगानीकर्ताले बैंकबाट सेयर धितोमा कर्जा लिदा धितोको ७० प्रतिशतसम्म लिन सक्ने छन्।तर यसअघि यस्तो सीमा ६५ प्रतिशत थियो।