अब सीईओलाई कुलिङ नलाग्ने, बिग मर्जर स्वेच्छिक !

२ साउन, काठमाडौं। नेपाल राष्ट्र बैंकले बिग मर्जरलाई स्वेच्छिक गरेको छ। २०७८ सम्म मर्जरमा गएर एकिकृत कारोबार गरे २०७९ सम्म सुविधा दिइने राष्ट्र बैंकले मौद्रिक नीतिमा व्यवस्था गरेको छ ।

शुक्रबार सार्वजनिक गरिएको मौद्रिक नीतिमा बैंकहरु मर्जरमा गए सीआरआर आधा प्रतिशत बिन्दु छुट दिइने भएको छ। वैधानिक तरलता अनुपातमा एक प्रतिशत बिन्दुले घटाइने भएको छ। संस्थागत मुद्दतिमा तोकिएको सीमाभन्दा १० प्रतिशत बढि उठाउन पाइने छुट दिइने छ।

बैंकका सञ्चालक र प्रमुख कार्यकारीलाई कुलिङ नलाग्ने सुविधा पनि दिइने छ। एउटै ब्यक्ति समूहबाट प्रवर्द्धित बैंकहरुलाई मर्जरमा लगिने व्यवस्था मौद्रिक नीतिमा छ ।