काठमाडौंका समुदायमा कोरोना छैन, तर जोखिम छ !

२ साउन, काठमाडौं । अहिलेकै अवस्थामा काठमाडौंमा कोरोना संक्रमण भयावह रुपमा नफैलिएको स्वास्थ्य तथा जनसंख्या मन्त्रालयले जनाएको छ । केही ठाउँमा गरिएको परीक्षणमा समुदायमा कोरोना फैलिएको नदेखिएको मन्त्रालयले निष्कर्ष निकालेको हो ।

काठमाडौं, भक्तपुर र ललितपुरका विभिन्न चाप हुने ठाउँमा गरिएको परीक्षणमा निकै थोरैको मात्रै कोरोना रिर्पोट पोजेटिभ आएको छ । ४ हजार ८ सय जनाको नमुना परीक्षणमा ३ जनामा मात्र संक्रमण देखिएपछि काठमाडौँमा कोरोना संक्रमण नफैलिएको सरकारको भनाई छ ।

समुदायस्तरमा कोरोना फैलिएको नभएपनि जोखिम भने धेरै रहेको मन्त्रालयका प्रवक्ता जागेश्वर गौतम बताउँछन ।