नेकपाको सचिवालय बैठक बालुवाटरमा शुरु

३ साउन, काठमाडौं । सत्तारुढ नेपाल कम्युनिष्ट पार्टी ‘नेकपा’को सचिवालय बैठक अहिले बसिरहेको छ । प्रधानमन्त्रीको सरकारी निवास बालुवाटारमा केहीबेर अघिदेखि शुरु भएको प्धानमन्त्रकिा प्रेस सल्लाहकार सुर्य थापाले जानकारी दिए ।

सचिवालय बैठक अघि पार्टीका दुई अध्यक्षबीच छुट्टै छलफल भएको थियो । पार्टीमा देखिएको विवाद समाधानका लागि भइरहेका प्रयासहरु सार्थक नभएपछि सचिवालय बैठक डाकिएको हो ।

सचिवालय बैठकमा पार्टीको केन्द्रीय समितिको बैठक डाक्नेबारे छलफल हुने नेताहरुले बताएका छन् । केपी शर्मा ओलीले पार्टी अध्यक्ष र प्रधानमन्त्री दुवै पदबाट राजीनामा दिनुपर्ने विषयमा पार्टीमा विवाद चुलिएको छ ।