पछिल्लो २४ घण्टामा थप ५७ जनामा संक्रमणकाे पुष्टि

३ साउन, काठमाडौं । नेपालमा पछिल्लो २४ घण्टामा थप ५७ जनामा कोरोना भाइरसको संक्रमण पुष्टि भएको छ। यससँगै नेपालमा हालसम्म कोरोना संक्रमितको कुल संख्या १७ हजार ५ सय २ पुगेको छ।

स्वास्थ्य तथा जनसंख्या मन्त्रालयको नियमित प्रेस व्रिफ्रिङका क्रममा मन्त्रालयका प्रवक्ता डा. जागेश्वर गौतमले पछिल्लो २४ घण्टामा १०३ जना कोरोना संक्रमित डिस्चार्ज भएको जानकारी दिए। यससँगै हालसम्म डिस्चार्ज हुने कोरोना संक्रमितको संख्या ११ हजार ६ सय ३७ पुगेको छ।

यस्तै पछिल्लो २४ घण्टामा देशभरका २७ वटा प्रयोगशालामा ३ हजार ३ सय ३१ जनाको पीसीआर परीक्षण गरिएको स्वास्थ्य मन्त्रालयले जनाएको छ।

स्वास्थ्य मन्त्रालयका अनुसार शनिबारसम्म देशभरका क्वारेनटाइनमा २३ हजार २ सय ७५ जना रहेका छन् भने ५ हजार ८ सय २५ जना कोरोना संक्रमित आइसोलेसनमा रहेका छन्।