पहिरोले विद्यालयको भवन जोखिममा

४ साउन बाजुरा । जिल्लाको गौमुल गाउँपालिका–१ माडीमा रहेको महादेव आधारभूत विद्यालयको नवनिर्मित भवनको माथिबाट पहिरो आउँदा लाखौँ मूल्यको नोक्सानी भएको छ ।

निर्माण सम्पन्न नहुँदै उक्त विद्यालयको माथिबाट पहिरो खस्दा नवनिर्मित भवन पूरै भत्किने अवस्थामा पुगेको स्थानीय सुरेन्द्र रोकायाले जानकारी दिएका छन् । लगातारको वर्षाका कारण सांसद विकास कोषको रु २० लाखभन्दा बढी बजेटमा निर्माण भइरहेको भवन पहिरोले बगाउने अवस्थामा छ ।