नेकपाको स्थायी कमिटी बैठक स्थगित

४ साउन, काठमाडौं । नेताहरुबीमा कुरा मिल्न नसकेपछि सत्तारूढ नेकपाको स्थायी कमिटी बैठक फेरि स्थगित भएको छ। आज दिउँसो ३ बजे बस्ने भनिएको स्थायी कमिटी बैठक साउन ६ गतेसम्मका लागि स्थगित भएको हो ।

यसअघि शुक्रबार बस्ने बैठक आज आइतबारसम्मका लागि स्थगित गरिएको थियो । तर आज बस्ने बैठक पनि अघि बढ्न सकेन । नेताहरुबीचमा कुरा नमिल्दा बैठक फेरि दुई दिन पर सारिएको प्रधानमन्त्री केपी शर्मा ओलीका प्रेस सल्लाहकार सुर्य थापाले जानकारी दिए ।

हिजो सचिवालय बैठकमा ओली र प्रचण्डबीच केही सकारात्मक छलफल भएपनि ठोस सहमति भएको छैन् । आज बिहानैदेखि प्रचण्डनिवास खुमलटारमा माधव नेपाल, झलनाथ खनाल, नारायणकाजी श्रेष्ठको बैठक चलिरहेको छ ।