सप्तरीमा थप ३२ जनामा कोरोना संक्रमण, संक्रमितको संख्या ३७६ पुग्यो

◊ धीरुभाइ

४ साउन, सप्तरी । सप्तरीमा आइतबार एकैदिन थप ३२ जनामा कोरोना संक्रमणको पुष्टि भएको छ । यो संगै जिल्लामा कोरोना भाइरस संक्रमितको संख्या ३७६ पुगेको छ । आज कोरोना पुष्टि हुनेमा मृतक परिवारका पाँच जनासहित आज थप ३२ जनामा संक्रमण भएकाे हाे ।

कञ्चनरुप नगरपालिकामा तीन, खडक नगरपालिकामा छ, सुरुङ्गा नगरपालिकामा सात, बलानबिहुल गाउँपालिका, छिन्नमस्ता गाउँपालिका र राजविराज नगरपालिकामा पाँच÷पाँच र हनुमाननगर कंकालीनी नगरपालिकामा एक जना आइतबार नयाँ संक्रमति थप भएको स्वास्थ्य कार्यालयका शर्मिला चौधरीले बताए ।

थपिएका संक्रमितहरुको राजविराज स्थित गजेन्द्र नारायण सिंह अस्पतालको प्रयोगशालामा स्वाब परीक्षण गरिएको थियो । थप भएका संक्रमितहरुमा सात महिला र २५ जना पुरुष रहेका छन । उनीहरु सात वर्ष माथिदेखि ६७ वर्ष मुनि उमेर समूहका रहेको बताए ।