थप १५६ जनालाई कोरोना, ५८ जना डिस्चार्ज

४ साउन, काठमाडौं । नेपालमा थप १ सय ५६ जनालाई कोरोना संक्रमण पुष्टि भएको छ । यससँगै नेपालमा कोरोना संक्रमितको संख्या १७ हजार ६५८ पुगेको छ । पछिल्लो चौबिस घण्टामा ३ हजार ७ सय ४१ जनाको परीक्षण गरिएको थियो ।

आइतबार मात्रै कोरोना जितेर ५८ जना डिस्चार्ज भएका छन् । यससँगै कोरोना जितेर घर फर्किनेको संख्या ११ हजार ६९५ पुगेको छ । पछिल्लो समय कोरोना संक्रमितको संख्या घट्दै जाँदा डिस्चार्ज हुनेको संख्या पनि बढ्दो छ ।