थप १ सय ८६ जनामा कोरोना पुष्टि

५ असार, काठमाडौं । नेपालमा थप १ सय ८६ जनामा कोरोना संक्रमण पुष्टि भएको छ । देशभरका प्रयोगशालामा ४ हजार २ सय १६ जनाको नमुना परीक्षण गर्दा १ सय ८६ जनामा कोरोना भाइरसको संक्रमण पुष्टि भएको हो ।

यससँगै नेपालमा संक्रमितको संख्या १७ हजार ८ सय ४४ पुगेको छ । उनीहरुमध्ये ४० जनाको मृत्यु भएको छ भने ११ हजार ८६८ जना निको भएका छन् । आज मात्रै १७३ जना डिस्चार्ज भएका छन् ।

पछिल्लो समय नेपालमा कोरोना संक्रमितको संख्या घट्दै गएको छ भने घर फर्किनेको संख्या क्रमशः बढ्दो छ ।