बालुवाटारमा मन्त्रिपरिषद बैठक, अन्तर्राष्ट्रिय उडान खोल्ने तयारी

५ साउन, काठमाडौं । मन्त्रिपरिषद बैठक बालुवाटारमा अहिले बस्दैछ । अहिले केहीबेरमा शुरु हुन लागेको बैठकमा आन्तरिक र अन्तर्राष्ट्रिय उडान खोल्नेबारे छलफल हुन लागेको बताइएको छ ।

छिमेकी देश भारतले यसअघि नै आन्तरिक उडान खोलिसकेको छ । यसका साथै लकडाउन के हुने ? भन्ने विषयमा पनि छलफल हुनेछ । यसअघि म्याद थप गरिएको लकडाउन पर्सी साउन ७ गते सकिदैछ ।

त्यसबाहेक अरु विषयमा पनि छलफल हुन सक्ने मन्त्रीहरुले बताएका छन । सार्वजनिक यातायात समेत खुलिसकेका बेला अब विद्यालय र विश्वविद्यालयका परीक्षाका बारेमा पनि छलफल हुने अनुमान गरिएको छ ।