एकिकृत राप्रपा दर्ताका लागि भोलि निर्वाचन आयोगमा जाने

५ साउन, काठमाडौं । एकिकृत राप्रपा भोलि पार्टी दर्ताका लागि नेताहरु निर्वाचन आयोगमा जाने भएको छ । राष्ट्रियता, प्रजातन्त्र र उदारवादको चिन्तनमा आधारित “सम्बर्द्धनवाद”को बैचारिक धरातलमा गठन भएको एकिकृत राप्रपा भोलि औपचारिक दर्ताका लागि निर्वाचन आयोगमा जाने तयारी भएको अध्यक्ष कमल थापाले जानकारी दिएका छन् ।

सामाजिक सञ्जाल ट्वीटरमा ट्वीट गर्दै थापाले “सर्वसत्तावाद,धर्मपरिवर्तन र भ्रष्टाचारमुक्त” सम्बृद्ध प्रजातान्त्रिक नेपाल निर्माणका लागि गठन भएको एकिकृत राप्रपा निर्वाचन आयोगमा दर्ता हुन लागेको हो ।

यसअघि राप्रपा एकपटक एकता भएर पनि पछि फुटेको थियो । २०७३ सालमा एकिकृत भएको राप्रपालाई पछि प्रकाशचन्द्र लोहनीले फुटाएका थिए । तर त्यो फुटले २०७४ को चुनावमा राप्रपा छिन्नबिन्न भएपछि कमला थापा, पशुपति शम्शेर राणा र प्रकाशचन्द्र लोहनी नेतृत्वको तिनै पार्टीबीच एकता भएर एकिकृत राप्रपा बनेको हो ।