‘तीजको लहर छायो बरिलै’, गाउनलाई रहर लाग्यो बरिलै

५ साउन, काठमाडौं । नेपाली नारीहरुको महान चाड हरितालिका तीज अवसरमा ‘तीजको लहर छायो बरिलै’ बोलको गीत बजारमा सार्वजनिक भएको छ । यो गीत गत बर्षको तुलनामा केहि आफ्नो मौलिकता भन्दा टाढा रहेर सार्बजनिक गरिएका हुन् । कुनै पनि चाडबाड बिशेष गीत मौलिकतामा नै सिमित हुनपर्छ भन्ने मान्यता राख्दै यतिबेला दिलु सलामी मगर, ज्ञानु मगर र दिलसरा काउछा मगरले ‘तीजको लहर छायो बरिलै’ बोलको गीत बजारमा ल्याएका हुन् ।

बिगत निकै लामो समय यता नेपाली लोक तथा दोहोरी गीत संगीतको क्षेत्रमा क्रियाशिल रहेता पनि उनिहरुले त्यति चर्चा पाउन नसकेको गुनासो गरेका छन् । तर पनि क्षणिक चर्चा कमाउन आफुहरुले लोक तथा दोहोरी गीतको मौलिक घरबाट बाहिर जान नचाहेको प्रष्ट पार्छन् । यसै पेरिफेरिमा रहेर पछिल्लो समय बजारमा आएको गीतमा दिलु सलामी मगर, ज्ञानु मगर र दिलसरा काउछा मगरको नै सुमधुर स्वर सुन्न सकिन्छ ।

गीतमा लय दिलसरा काउछा मगरको रहेका छन् भने शब्द दिलु सलामी मगर र ज्ञानु राना मगरको रहेको छ । गीतको स्वाद जति मौलिकतामा सिमित त्यति नै म्युजिक भिडियोलाई पनि उत्कृष्टता दिने प्रयास गरिएको छ । तीजको लहर छायो बरिलै बोलको गीतको म्युजिक भिडियोमा खुशी बुढा मगर, बिमन्त मगर, लिजा मगर, दिपिका मगर, प्रिया मगर र निर्मला मगरको आकर्षक नृत्य सहितको अभिनय देख्न सकिन्छ ।

भिडियोलाई निर्देशन चुमन काउछा मगर, छायांकन बसन्त महर्जन, क्रियोग्राफी उदिराम खड्का र सम्पादन हुम गैरेले गरेका छन् । हामि यस संग सम्बन्धित सम्पूर्ण कलाकारहरुमा सफलताको शुभकामना ब्यक्त गर्दछौं ।