यसपालीकाे तीज गीत ‘नाचौं छमछमी’ बजारमा

५ साउन, काठमाडौं । हरितालिका तिजको अवसरमा नाचौं छमछमी बोलको तिज गीत सार्वजनिक भएको छ । दिलसरा काउछा थापा मगरले निकै कर्णप्रिय स्वर लहरीमा उक्त मौलिक गीत बजारमा ल्याएकी छिन् ।

‘नाचौं छमछमी’ नाममा बजारमा आएको उक्त गीत विश्वको जुनसुकै कुना कन्दरामा रहेर सुनेता पनि आफ्नै गाउँवस्ती र आफ्नै रिति रिवाजको महसुस दिलाउने किसिमको रहेको छ ।

प्रस्तुत गीतमा थापा मगरको नै एकल स्वर तथा लय रहेको छ भने शब्द दिलसरा काउछा थापा मगर, करुणा थापा मगरको रहेको छ ।

सम्पूर्ण नारीहरुलाई यस बर्षको तीज कोसेलीको रुपमा बजारमा ल्याइएको यस गीतको म्युजिक भिडियोमा सिवानी थापा मगर, लिजा मगर र जश्मिन खड्काको अभिनय रहेको छ । गीतको म्युजिक भिडियोलाई चुमन काउछा मगरले निर्देशन गरेका छन् । छायांकन बसन्त महर्जन कोरियोग्राफी उदिराम खड्का र सम्पादन हुम गैरेले गरेका छन् ।