नेकपाको स्थायी कमिटी बैठक बस्ला ?

६ साउन, काठमाडौं । पटक पटक स्थगित हुदै आएको सत्तारुढ नेकपाको स्थायी कमिटी बैठक आजका लागि तय छ । दुई दिनअघि स्थगित भएको बैठक आजका लागि सारिएको हो । तर आज पनि स्थायी कमिटी बैठक बस्ने पक्का छैन् ।

अध्यक्षद्धय प्रधानमन्त्री केपी शर्मा ओली र अर्का अध्यक्ष प्रचण्डबीच आन्तरिक किचलो बढेपछि नेकपामा बैठक नै बस्न सकेको छैन । गएको असारमा बोलाइएको स्थायी कमिटी बैठक एक हप्ता पनि पूरा चल्न सकेन । बैठकमै बहुमत सदस्यले प्रधानमन्त्री ओलीको राजीनामा माग गरेपछि विवाद चर्किएको हो ।

त्यसयता सचिवालय बैठक एकपटक बसिसकेको छ भने नेताहरुले केन्द्रिय समिति बैठक पनि माग गरेका छन । तर प्रधानमन्त्री ओलीले स्थायी कमिटी बैठक नै छल्दै आएका छन । दुई अध्यक्षबीच कुरा मिलि नसकेकाले आजको बैठक बस्नेमा पनि अन्योल रहेको नेताहरुले बताएका छन ।