बजारमा दोश्रो दिन पनि बिक्री चाप, आजको घटाईलाई कसरी बिश्लेषण गर्ने ?

६ श्रावण , काठमाडाैं । बिक्री चाप आउँदा आज लगातार दोश्रो दिन पनि शेयरबजार घटेको छ । नेप्से परिसूचक १ दशमलव ०२ प्रतिशतले घट्दै बजार बन्द भएको छ । नेप्से परिसूचक १४४९.९४ को विन्दुमा बन्द भएको छ ।

कारोवार रकम १ अर्ब ८७ करोड रहेको छ । हिजो २ अर्ब ८० करोड माथि शेयर कारोवार भएकोमा आज बजार घट्दा कारोवार रकम कम हुनुलाई सकारात्मक मानिएकाे छ । हिजोको तुलनामा आज बिक्री चाप कम भएको विश्लेषण गर्न सकिन्छ ।

आज बजार १४७२.२० को विन्दुमा खुलेकोमा ११ बजेर ४० मिनेटमा १४७९.३०को उच्च विन्दु समातेको थियो । त्यस्तै आज बजारले ११ बजेर २० मिनेटमा १४४४.५० को न्यून विन्दु समातेको थियो ।

आज हिमालयन डिस्टिलरीको सर्वाधिक १४ करोड २५ लाख बराबरको शेयर खरिदबिक्री भएको छ । एनआईसी एशिया लघुवित्तको शेयर मूल्य सर्वाधिक ९ दशमलव ८८ प्रतिशतले वृद्धि भएको छ । आज ३ कम्पनी एनआईसी एशिया लघुवित्त, श्री राम सुगर मिल्स र सम्वृद्धि फाइनान्सको बजार मुल्य ९ प्रतिशत भन्दा धेरैले वृद्धि भएको छ । त्यस्तै हिमालयन दोलखा पावर र गुराँस लघुवित्तको बजार मूल्य ९ प्रतिशत भन्दा धेरैले घटेको छ।

आज चार उपसुचक ट्रेडिङ्ग, होटल, उत्पादन तथा प्रोसोधन र म्युचुअल फण्डमा मात्र वृद्धि देखिएको छ। बजारलाई ड्राईभ गर्ने वाणिज्य बैंकको उपसुचकमा भने गिरावट आएको छ।

प्राविधिक बिश्लेषण :

?आज कारोबारको पहिलो समयमा बजारमा निकै उतारचढाब रहेको थियो । आज बजार घट्दो प्रवृत्तिमा रहेको छ । आजको बजार प्रवृत्तिले बियरिस मैनबत्तीको चित्र बनाएको छ । यसले बजारमा विक्रेताको चाप रहेको जानकारी गराएको छ।

?दैनिकी अवधिमा “आरएसआई” ६२ दशमलब १० को बिन्दुमा छ । यो अक्सिलेटरले बजार हालसम्म सकारात्मक रहेको जानकारी दिएको छ ।

?“एडीएक्स” ले क्रेताको चाप हुन थालेको र जोड /बिजोड “डाइरेक्सनल इन्डेक्स”हरुले आज बजारमा विक्रेताको चाप रहेको जानकारी गराएको छ।

?“अन ब्यालेन्स भल्यूम” ले बजारमा विक्रेताको चाप भएको जानकारी गराएको छ । नेप्से बढेमा पहिलो प्रतिरोध १४८० को क्षेत्रमा पाउने देखिन्छ र घटेमा पहिलो टेवा १४४४ को क्षेत्रमा पाउने देखिन्छ।

नेपाल बहसले हिजो गरेको बजार बिश्लेषण हेर्न यहाँ क्लिक गर्नुस