बीपीका विचारलाई सार्थक बनाउने संकल्प गर्नुपर्छ : अर्जुननरसिंह केसी

६ साउन, काठमाडौं । नेपाली कांग्रेसका प्रभावशाली नेता एवं पूर्वमन्त्री अर्जुननरसिंह केसीले बीपीका विचारलाई सार्थक बनाउने संकल्प गर्नुपर्ने बताएका छन् ।

बीपी स्मृति दिवसको अवसरमा ट्वीट गर्दै नेता केसीले नेपाली कांग्रेसका संस्थापक नेता बीपीलाई सम्झेर मात्रै नपुग्ने भन्दै आजको दिनमा उनका विचारमा हिड्ने, देखाएको बाटो नबिर्सने गरी सार्थक अभियानमा अघि बढ्नुपर्ने बताएका हु्न् ।

पूर्वमन्त्री समेत रहेका नेता केसीले बीपीकाे मार्गदर्शन पछ्याए मात्रै नेपाली कांग्रेस जनताको पार्टी हुने बताएका छन् ।

बीपी स्मृति दिवसको अवसरमा ट्वीट गर्दै केसीले भनेका छन, ‘यो दिन बीपीलाई सम्झिने मात्र होइन उहाँका विचार, चिन्तन तथा मार्गदर्शनको पदचिन्हमा हिंड्ने, ऊर्जा तथा प्रेरणा लिने र ती विचारलाई व्यवहारिक रूपले सार्थक बनाउने संकल्प दिवस पनि हो । जननायकप्रति हार्दिक स्मरण तथा श्रद्धासुमन।