लकडाउन सकिएको सरकारको घोषणा

६ साउन, काठमाडौं । कोरोना महामारीका कारण शुरु भएको पाँच महिनादेखिको लकडाउन अन्त्य भएको छ । सरकारले कोरोना रोकथामका लागि लगाइएको लकडाउन आज रातीदेखि अन्त्य भएको घोषणा गरेको हो ।

सोमबार बसेको मन्त्रिपरिषद बैठकले लकडाउन आजदेखि अन्त्य गर्ने निर्णय गरेको हो । मंगलबार आयोजित पत्रकार सम्मेलनमा सरकारका प्रवक्ता तथा अर्थ, सञ्चार तथा सूचना प्रविधिमन्त्री डा. युवराज खतिवडाले चैत ११ देखि सरकारले लगाएको लकडाउन अन्त्य भएको बताएका हुन्

लकडाउन अन्त्य भएपनि प्रक्रियागत रुपमा यो लागु हुन अझै केही महिना लाग्नेछ । भदौदेखि मात्रै लामो दूरीका गाडी चल्नेछन भने स्कुल कलेज पनि भदौदेखि मात्रै खुल्नेछन ।