बीपीको स्मृति दिवसमा नुवाकोटमा रक्तदान कार्यक्रम

६ साउन, काठमाडौं । नेपाली कांग्रेस नुवाकोटले बीपी स्मृति दिवसको अवसरमा रक्तदान कार्यक्रम गरेको छ । नुवाकोट कांग्रेसका सभापति जगदिशनरसिंह केसीको प्रमुख आतिथ्यतामा रक्तदान कार्यक्रम गर्नुको साथै खाद्यान्न तथा फलफूल वितरण गरिएको हो ।

बीपीको विचार राष्ट्रिय समाजले देवीघाटमा ज्येष्ठ नागरिक संरक्षण तथा अध्ययन प्रतिष्ठानमा कार्यक्रम गरेको हो । रक्तदान कार्यक्रमपछि नेपाली कांग्रेस नुवाकोटका अध्यक्ष जगदिशनरसिंह केसीले बीपीको विचारलाई आर्दशका साथ आत्मसाथ गर्नुपर्ने बताए ।

बीपी लोतान्त्रिक समाजवादी चिन्तक, कुशल राजनीतिज्ञ र प्रखर ‘साहित्यिक व्यक्तित्वको त्रिवेणी भएको भन्दै कांग्रेस नुवाकोटका अध्यक्ष केसीले सवै नेपालीको एउटा सानो घर होस, गरिखान पुग्ने एउटा खेतबारी होस भन्ने सपना साकार गर्नुपर्ने बताए । यसका लागि नेपाली कांग्रेसले नेतृत्व गर्नुपर्ने पनि नेता केसीको भनाई छ ।