सुनको भाउमा रेकर्ड ब्रेक, तोलाकै ९४ हजार !

७ साउन, काठमाडौं । नेपालमा सुनको मुल्य बढेर नयाँ कीर्तिमान कायम भएको छ । तोलाकै ९४ हजार पुगेर सुनको मूल्यले नयाँ रेकर्ड कायम गरेको हो।

एकैदिन तोलामा १३ सय रुपैयाँ बढेर बुधबार ९४ हजार रुपैयाँमा सुनको कारोबार भइरहेको नेपाल सुनचाँदी व्यवसायी महासंघले जनाएको छ।

मंगलबार प्रतितोला ९२ हजार ७ सय रुपैयाँमा सुनको कारोबार भएको थियो । यस्तै चाँदीको मूल्यमा पनि प्रतितोला ९५ रुपैयाँले वृद्धि भएको छ। चाँदी बुधबार प्रतितोला १ हजार १ सय ३५ रुपैयाँमा कारोबार भइरहेको छ ।